Read nynorsk 1938 Paulus' brev til Titus 3 Bible Online

Paulus' brev til Titus 3 - nynorsk 1938 bible

Paulus' brev til Titus 3

¹Minn dei um å vera styremakter og yverråder undergjevne, vera lydige, reiduge til all god gjerning,

²ikkje spotta nokon, ikkje vera stridsame, men godlyndte, visa alt spaklynde mot alle menneske.

³For me var ein gong uvituge, ulydige, villfarande, trælar under mangeslag lyster og fysnor, me levde i vondskap og ovund, me vart hata og bar hat til kvarandre.

⁴Men då Guds, vår frelsars godleik og mannemilda vart openberra,

⁵frelste han oss - ikkje for rettferdige gjerningar skuld som me hadde gjort, men etter si miskunn - ved badet til atterføding og uppnying ved den Heilage Ande,

⁶som han rikleg hev rent ut yver oss ved Jesus Kristus, vår frelsar,

⁷so me, rettferdiggjorde ved hans nåde, etter voni skulde verta ervingar til det ævelege liv.

⁸Dette er eit truverdigt ord, og dette vil eg at du skal prenta inn, so dei som trur på Gud, må leggja vinn på å gjera gode gjerningar. Dette er godt og gagnleg for menneski;

⁹men dårlege stridsspursmål og ættetavlor og kivsmål og trettor um lovi skal du halda deg ifrå; for dei er gagnlause og fåfengde.

¹⁰Eit ranglærande menneske skal du visa frå deg, når du hev påmint han ein gong og tvo gonger,

¹¹for du veit at han er rangsnudd og syndar, dømd av seg sjølv.

¹²Når eg sender Artemas til deg eller Tykikus, so gjer deg umak med å koma til meg i Nikopolis; for der hev eg tenkt å vera vinteren yver.

¹³Zenas, den lovlærde, og Apollos skal du med umhug hjelpa i vegen, so dei ikkje skal vanta noko.

¹⁴Våre folk og lyt læra å gjera gode gjerningar, etter som torv er til, so dei ikkje skal vera fruktlause.

¹⁵Alle som er hjå meg, helsar deg. Helsa dei som elskar oss i trui! Nåden vere med dykk alle!