Read nynorsk 1938 Brevet til hebrearane 3 Bible Online

Brevet til hebrearane 3 - nynorsk 1938 bible

Brevet til hebrearane 3

¹Difor, heilage brør, de som hev fenge lut i eit himmelsk kall, sjå på den apostel og øvsteprest som me kjennest ved, Jesus,

²han som var trufast mot den som gjorde han til det, liksom Moses var i heile hans hus!

³For denne er halde som mykje større æra verd enn Moses, som den som hev bygt huset, hev større æra enn huset sjølv.

⁴Kvart hus er einkvan som byggjer, men den som hev bygt alt, det er Gud;

⁵og Moses var trufast i heile hans hus som ein tenar til å vitna um det som skulde talast,

⁶men Kristus som Son yver huset hans, og hans hus er me, so framt me held vårt frimod og den voni me rosar oss av, fast alt til enden.

⁷Difor, som den Heilage Ande segjer: I dag, um de høyrer hans røyst,

⁸so forherd ikkje hjarto dykkar som på argingsstaden, på freistingsdagen i øydemarki,

⁹der federne dykkar freista dei meg; dei prøvde meg, endå dei såg mine gjerningar i fyrti år;

¹⁰difor harmast eg på denne ætti og sa: Dei fer alltid vilt i hjarta; men dei kjende ikkje mine vegar,

¹¹so eg svor i min vreide: Sanneleg, dei skal aldri koma inn til mi kvila!

¹²Sjå til, brør, at det ikkje i nokon av dykk er eit vondt, vantruande hjarta, so han fell frå den levande Gud!

¹³Men påminn kvarandre kvar dag, so lenge som det heiter: i dag, so ikkje nokon av dykk skal verta forherd ved dåring av syndi!

¹⁴For me hev fenge lut med Kristus, so framt me held vår fyrste vissa fast til enden.

¹⁵Når det vert sagt: I dag, um de høyrer hans røyst, so forherd ikkje hjarto dykkar som på argingsstaden,

¹⁶kven var det då som høyrde, men endå arga han? var det ikkje alle dei som gjeng ut or Egyptarland ved Moses?

¹⁷Men kven var det han hadde harmast på i fyrti år? var det ikkje på dei som hadde synda so deira kroppar fall i øydemarki?

¹⁸Og kven var det han svor um at dei ikkje skulde koma inn til hans kvila, utan um dei som ikkje vilde tru?

¹⁹So ser me då at det var for vantru skuld dei ikkje kunde koma inn.