Read nynorsk 1938 Brevet til hebrearane 7 Bible Online

Brevet til hebrearane 7 - nynorsk 1938 bible

Brevet til hebrearane 7

¹For denne Melkisedek, konge i Salem og Den Høgste Guds prest, han som gjekk Abraham til møtes då han kom att frå sin siger yver kongane, og som velsigna han,

²han som Abraham og gav tiend av alt, og som er, når hans namn vert utlagt, fyrst rettferds konge, dinæst og Salems konge, det er freds konge

³som er utan far, utan mor, utan ættetavla, og som korkje hev dagars byrjing eller livs ende, men er gjord lik Guds Son - han vert verande prest for alltid.

⁴Og sjå kor stor han er, denne mannen som Abraham, patriarken, jamvel gav tiend av herfanget.

⁵Og dei av Levi søner som fær prestedømet, hev påbod um å taka tiend etter lovi av folket, det er av sine brør, endå desse er komne or Abrahams led;

⁶men denne, som ikkje reknar si ætt frå dei, han tok tiend av Abraham og velsigna han som hadde fått lovnadene.

⁷Men utan all motsegn er det den ringare som vert velsigna av den høgre.

⁸Og her er det døyelege menneske som tek tiend, men der ein som det vert vitna um at han lever.

⁹Og um ein so må segja: Gjenom Abraham hev endå Levi, som tek tiend, sjølv gjeve tiend;

¹⁰for han var i sin fars lend då Melkisedek gjekk han til møtes.

¹¹Var det då fullkomenskap å vinna ved det levitiske prestedømet - for det var folket bunde til ved lovi - kvi turvest det då at ein annan prest skulde standa fram etter Melkisedeks vis og ikkje verta nemnd etter Arons vis?

¹²For når prestedømet vert umskift, vert det naudsynleg og eit umskifte med lovi;

¹³for han som dette vert sagt um, høyrde til ei onnor ætt, og ingen av henne hev gjort tenesta for altaret;

¹⁴for det er kjent nok at vår Herre er upprunnen av Juda, og til denne ætti hev ikkje Moses tala noko um prestar.

¹⁵Og det er endå meir klårt når det stend fram ein annan prest etter Melkisedeks vis,

¹⁶ein som ikkje hev vorte det etter eit kjøtleg bods lov, men etter eit uforgjengeleg livs kraft;

¹⁷for han fær det vitnemålet: Du er prest til æveleg tid etter Melkisedeks vis.

¹⁸For eit bod som fyrr galdt, vert avlyst, av di det var maktlaust og gagnlaust

¹⁹- for lovi førde ingen ting fram til fullkomenskap - og ei betre von vert innførd, so me kann nærma oss til Gud.

²⁰Og so visst som det ikkje vart gjort utan eid

²¹- for hine hev vorte prestar utan eid, men denne med eid ved den som segjer til han: Herren svor, og han skal ikkje angra det: Du er prest til æveleg tid etter Melkisedeks vis -

²²so visst er det ei hævare pakt som Jesus hev vorte borgsmann for.

²³Og hine prestane hev vore fleire, av di dei ved dauden vart hindra i å halda ved;

²⁴men denne hev eit uforgjengeleg prestedøme, av di han vert verande til æveleg tid.

²⁵Difor kann han og fullkomleg frelsa dei som kjem til Gud ved han; for han lever alltid til å ganga i bøn for dei.

²⁶For me laut og hava ein sovoren øvsteprest som er heilag, uskyldig, rein, skild frå syndarar og upphøgd yver himlane,

²⁷ein som ikkje dagleg treng til, som øvsteprestane, å bera fram offer fyrst for sine eigne synder og so for syndene åt folket; for gjorde han ein gong for alle då han ofra seg sjølv.

²⁸For lovi set til øvsteprestar menneske som hev vesaldom, men eidens ord, som kom etter lovi, set Sonen inn, han som er fullenda for all æva.