Read nynorsk 1938 Peters fyrste brev 1 Bible Online

Peters fyrste brev 1 - nynorsk 1938 bible

Peters fyrste brev 1

¹Peter, Jesu Kristi apostel, til dei utlendingar som er spreidde i Pontus, Galatia, Kappadokia, Asia og Bitynia, utvalde

²etter Gud Faders fyrevitende, ved Andens helging, til lydnad og yverskvetting med Jesu Kristi blod: Nåde og fred vere med dykk i rikt mål!

³Lova vere Gud og vår Herre Jesu Kristi Fader, han som etter si store miskunn hev atterfødt oss til ei levande von ved Jesu Kristi uppstoda frå dei daude,

⁴til ein uforgjengeleg og flekklaus og uvisneleg arv, som er gøymd i himmelen åt dykk,

⁵de som ved Guds makt vert haldne uppe ved trui til den frelsa som er ferdig til å verta openberra i den siste tid.

⁶Det gleder de dykk yver, um de og no ei lita stund - når so skal vera - er sorgtyngde i ymse freistingar,

⁷So dykkar prøvde tru, som er mykje kostelegare enn det forgjengelege gull, som då vert prøvt i eld, må verta funni til lov og pris og æra når Jesus Kristus vert openberra,

⁸han som de ikkje hev kjent, men endå elskar, han som de no ikkje ser, men endå trur på, og difor gleder de dykk med usegjeleg og herleggjord gleda,

⁹når de vinn fram til endemålet for trui dykkar, frelsa for sjelene.

¹⁰Um denne frelsa var det profetane granska og ransaka, og dei som spådde um den nåden de skulde få,

¹¹med di dei ransaka kva tid eller kva slag tid Kristi Ande, som var i dei, viste fram til når han vitna fyreåt um Kristi lidingar og um herlegdomen deretter;

¹²for det vart openberra for dei at dei tente ikkje seg sjølve, men oss med dette som no er kunngjort igjenom dei som hev forkynt dykk evangeliet ved den Heilage Ande, som vart send frå himmelen - dette som englane hev hug til å skoda inn i.

¹³Difor, umgyrd dykkar hugs lender, ver edrue, og set dykkar von fullt og fast til den nåden som de fær når Jesus Kristus vert openberra!

¹⁴Som lydige born skal de ikkje skikka dykk etter dei fyrre lystene i dykkar vankunna,

¹⁵men ver, etter den Heilage som kalla dykk, ogso de heilage i all dykkar ferd!

¹⁶For det stend skrive: De skal vera heilage, for eg er heilag.

¹⁷Og når de påkallar som Fader han som dømer utan å gjera mannemun, etter kvar manns gjerning, so ferdast med otte den tid de lever i utlendingskapen;

¹⁸for de veit at de ikkje med forgjengelege ting, sylv eller gull, vart frikjøpte frå dykkar fåfengelege ferd, som de hadde ervt ifrå federne,

¹⁹men med Kristi dyre blod som blodet av eit ulastande og lytelaust lamb,

²⁰han som var kjend fyreåt, fyrr verdi vart grunnlagt, men vart openberra ved enden av tidene for dykkar skuld,

²¹de som ved han trur på Gud, som vekte han upp frå dei daude og gav han herlegdom, so trui dykkar og er von til Gud.

²²Reinsa sjelene dykkar i lydnad mot sanningi til uskrymta broderkjærleik, og elska kvarandre inderleg av hjarta,

²³de som er atterfødde, ikkje av forgjengeleg, men uforgjengeleg sæde, ved Guds ord, som lever og varer!

²⁴For alt kjøt er som gras, og all herlegdomen hjå det som blom på gras: graset visna, og blomen på det fall av,

²⁵Men Herrens ord varer i all æva. Dette er det ordet som er forkynt dykk ved evangeliet.