Read nynorsk 1938 Johannes' fyrste brev 1 Bible Online

Johannes' fyrste brev 1 - nynorsk 1938 bible

Johannes' fyrste brev 1

¹Det som var ifrå upphavet, det som me hev høyrt, det som me hev set med augo våre, det som me skoda og hendene våre tok på - um livsens Ord

²- og livet vart openberra, og me hev set det og vitnar og forkynner dykk livet, det ævelege, som var hjå Faderen og vart openberra for oss -

³det som me hev set og høyrt, det forkynner me dykk og, so de kann hava samfund med oss, men vårt samfund er med Faderen og med hans Son Jesus Kristus.

⁴Og dette skriv me so dykkar gleda kann vera fullkomi.

⁵Og dette er den bodskapen me hev høyrt av han og forkynner dykk, at Gud er ljos, og det finst inkje myrker i han.

⁶Dersom me segjer at me hev samfund med han, og me ferdast i myrkret, so lyg me og gjer ikkje sanningi;

⁷men dersom me ferdast i ljoset, liksom han er i ljoset, so hev me samfund med kvarandre, og Jesu, hans Sons blod reinsar oss frå all synd.

⁸Dersom me segjer at me ikkje hev synd, so dårar me oss sjølve, og sanningi er ikkje i oss;

⁹dersom me sannar syndene våre, so er han trufast og rettferdig, so han forlet oss syndene og reinsar oss frå all urettferd.

¹⁰Dersom me segjer at me ikkje hev synda, so gjer me han til ljugar, og hans ord er ikkje i oss.