Read nynorsk 1938 Johannes' fyrste brev 4 Bible Online

Johannes' fyrste brev 4 - nynorsk 1938 bible

Johannes' fyrste brev 4

¹De kjære, tru ikkje kvar ei ånd, men prøv åndene um dei er av Gud! for mange falske profetar hev gjenge ut i verdi.

²På det skal det kjenna Guds Ande: Kvar ei ånd som sannar at Jesus Kristus er komen i kjøt, er av Gud;

³og kvar ei ånd som ikkje vedkjennest Jesus, er ikkje av Gud; dette er åndi til Antikrist, som de hev høyrt um at ho kjem, og ho er alt i verdi.

⁴De er av Gud, born, og hev sigra yver dei; for han som er i dykk, er større enn han som er i verdi.

⁵Dei er av verdi, difor talar dei av verdi, og verdi høyrer dei.

⁶Me er av Gud; den som kjenner Gud, høyrer oss; den som ikkje er av Gud, høyrer oss ikkje. På dette kjenner me sannings-åndi og villfarings-åndi.

⁷De kjære, lat oss elska kvarandre! for kjærleiken er av Gud, og kvar den som elskar, er fødd av Gud og kjenner Gud.

⁸Den som ikkje elskar, kjenner ikkje Gud; for Gud er kjærleik.

⁹I det er Guds kjærleik openberra millom oss at Gud hev sendt Son sin, den einborne, til verdi so me skal leva ved han.

¹⁰I dette er kjærleiken, ikkje at me hev elska Gud, men at han hev elska oss og sendt Son sin til soning for syndene våre.

¹¹Mine kjære, hev Gud elska oss soleis, so er me og skuldige til å elska kvarandre.

¹²Ingen hev nokosinne set Gud; elskar me kvarandre, so vert Gud verande i oss, og kjærleiken til han hev vorte fullkomen i oss.

¹³På dette kjenner me at me er i han, og han i oss, at han hev gjeve oss av sin Ande.

¹⁴Og me hev set og vitnar at Faderen hev sendt Son sin til frelsar for verdi.

¹⁵Den som sannar at Jesus er Guds Son, i han vert Gud verande, og han i Gud.

¹⁶Og me hev kjent og trutt den kjærleiken Gud hev til oss. Gud er kjærleik, og den som vert verande i kjærleiken, vert verande i Gud, og Gud i han.

¹⁷I dette hev kjærleiken vorte fullkomen hjå oss at me hev frimod på domedag; for liksom han er, so er me og i denne verdi.

¹⁸Otte er ikkje i kjærleiken, men den fullkomne kjærleiken driv otten ut; for otten hev straffi i seg, men den som ottast, er ikkje fullkomen i kjærleiken.

¹⁹Me elskar av di han elska oss fyrst.

²⁰Dersom nokon segjer: Eg elskar Gud, og han hatar bror sin, han er ein ljugar; for den som ikkje elskar bror sin, som han hev set, kor kann han elska Gud, som han ikkje hev set?

²¹Og dette bodet me hev frå han at den som elskar Gud, han skal og elska bror sin.