Read nynorsk 1938 Johannes' tredje brev 1 Bible Online

Johannes' tredje brev 1 - nynorsk 1938 bible

Johannes' tredje brev 1

¹Den eldste - til den kjære Gajus, som eg elskar i sanning.

²Kjære ven! Eg ynskjer at du i alle måtar må leva vel og hava helsa, liksom di sjel lever vel.

³For eg vart mykje glad då det kom nokre brør og vitna um di sanning, soleis som du ferdast i sanning.

⁴Eg hev ingi større gleda enn det at eg høyrer mine born ferdast i sanningi.

⁵Kjære ven, du gjer ei trufast gjerning med det du gjer mot brørne, endå dei er framande,

⁶og dei hev vitna for kyrkjelyden um din kjærleik. Du gjer vel um du hjelper dei i veg, so det sømer seg for Gud;

⁷for det var for hans namns skuld dei drog ut, og dei tek ikkje imot noko av heidningane.

⁸Me er då skuldige til å taka oss av slike, so me kann verta medarbeidarar for sanningi.

⁹Eg hev skrive noko til kyrkjelyden; men Diotrefes, som gjerne vil vera fyrstemannen millom dei, tek ikkje imot oss.

¹⁰Difor vil eg, når eg kjem, minna um dei gjerningar som han gjer, med di han baktalar oss med vonde ord, og ikkje nøgd med det tek han ikkje sjølv imot brørne, og dei som det vil, hindrar han og støyter dei ut or kyrkjelyden.

¹¹Kjære, fylg ikkje vonde fyredøme, men gode! Den som gjer godt, er av Gud; den som gjer det vondt, hev ikkje set Gud.

¹²Demetrius hev godt lov av alle, og av sjølve sanningi; ogso me gjev han godt vitnemål, og du veit at vårt vitnemål er sant.

¹³Eg hadde mangt å skriva til deg, men eg vil ikkje skriva til deg med blekk og penn;

¹⁴men eg vonar å få sjå deg snart, og då skal me talast ved munnleg.

¹⁵Fred vere med deg! Venene helsar deg. Helsa venene med namn!