Read nynorsk 1978 1. Mosebok 36 Bible Online

1. Mosebok 36 - nynorsk 1978 bible

1. Mosebok 36

¹Dette er ætta til Esau, som òg vert kalla Edom.

²Esau tok seg koner mellom jentene i Kanaan: Ada, dotter til hetitten Elon, Oholibama, dotter til Ana, som var son til hevitten Sibon,

³og Basmat, dotter til Ismael, syster til Nebajot.

⁴Med Ada fekk Esau sonen Elifas og med Basmat Re’uel;

⁵og med Oholibama fekk han Je’usj, Jalam og Korah. Dette var dei sønene som Esau fekk i Kanaan.

⁶Esau tok konene sine, sønene og døtrene sine og heile huslyden sin, buskapen, alle husdyra sine og alt godset han hadde samla seg i Kanaan, og flytte til Se’ir-landet, bort frå Jakob, bror sin.

⁷For dei hadde så mykje fe at dei ikkje kunne bu saman. Det landet dei hadde halde til i, kunne ikkje røma dei, så stor var buskapen deira.

⁸Esau slo seg då ned i Se’ir-fjella; Esau, det er den same som Edom.

⁹Dette er ætta åt Esau, som var ættefar til edomittane i fjell-landet Se’ir.

¹⁰Her er namna på Esau-sønene: Elifas, son til Ada, kona hans Esau, og Re’uel, son til Basmat, kona hans Esau.

¹¹Sønene til Elifas var Teman, Omar, Sefo, Gatam og Kenas.

¹²Elifas, son til Esau, hadde ei fylgjekone som heitte Timna. Med henne fekk han sonen Amalek. Det var etterkomarane etter Ada, kona hans Esau.

¹³Og dette er sønene til Re’uel: Nahat, Serah, Sjamma og Missa. Det var etterkomarane etter Basmat, kona hans Esau.

¹⁴Og dette er dei sønene Esau fekk med kona si Oholibama, dotter hans Ana, son til hevitten Sibon: Je’usj, Jalam og Korah.

¹⁵Dette er hovdingane i Esau-ætta: Sønene til Elifas, eldste son hans Esau, var hovdingane Teman, Omar, Sefo, Kenas,

¹⁶Korah, Gatam og Amalek. Det er dei hovdingane som er ætta frå Elifas i Edom. Dei er etterkomarar etter Ada.

¹⁷Og dette er sønene til Re’uel, son hans Esau: hovdingane Nahat, Serah, Sjamma og Missa. Det er dei hovdingane som er ætta frå Re’uel i Edom. Dei er etterkomarar etter Basmat, kona hans Esau.

¹⁸Og dette er sønene til Oholibama, kona hans Esau: hovdingane Je’usj, Jalam og Korah. Det er dei hovdingane som er ætta frå Oholibama Anasdotter, kona hans Esau.

¹⁹Dette var sønene til Esau — det er Edom — og dei hovdingane som er ætta frå dei.

²⁰Dette er sønene til horitten Se’ir, som budde i landet før: Lotan, Sjobal, Sibon, Ana,

²¹Disjon, Eser og Disjan. Det er hovdingane åt horittane, Se’ir-sønene i Edom.

²²Sønene til Lotan var Hori og Heman, og syster hans var Timna.

²³Dette er sønene til Sjobal: Alvan, Manahat, Ebal, Sjefo og Onam.

²⁴Dette er sønene til Sibon: Ajja og Ana. Det er den Ana som fann dei varme kjeldene i øydemarka, medan han gjætte esla åt Sibon, far sin.

²⁵Dette er borna til Ana: Disjon og dottera Oholibama.

²⁶Og dette er sønene til Disjon: Hemdan, Esjban, Jitran og Keran.

²⁷Dette er sønene til Eser: Bilhan, Sa’avan og Akan.

²⁸Og dette er sønene til Disjan: Us og Aran.

²⁹Dette er ættehovdingane åt horittane: hovdingane Lotan, Sjobal, Sibon, Ana,

³⁰Disjon, Eser og Disjan. Det var horitthovdingane i Se’ir, ætt for ætt.

³¹Dette er dei kongane som rådde i Edom før det var nokon konge i Israel:

³²Bela, son til Beor, var konge i Edom, og byen hans heitte Dinhaba.

³³Då Bela døydde, vart Jobab, son til Serah, frå Bosra, konge etter han.

³⁴Då Jobab døydde, vart Husjam frå Teman konge etter han.

³⁵Då Husjam døydde, vart Hadad, son til Bedad, konge etter han. Det var han som slo midjanittane på Moab-marka. Byen hans heitte Avit.

³⁶Då Hadad døydde, vart Samla frå Masreka konge etter han.

³⁷Då Samla døydde, vart Saul frå Rehobot ved Eufrat konge etter han.

³⁸Då Saul døydde, vart Ba’al-Hanan, son til Akbor, konge etter han.

³⁹Då Ba’al-Hanan, son til Akbor, døydde, vart Hadar konge etter han. Byen hans heitte Pa’u, og kona hans heitte Mehetabel. Ho var dotter til Matred, dotter til Mesahab.

⁴⁰Dette er namna på hovdingane i Esau-ætta, nemnde etter bustader, ættgreiner og namn: hovdingane Timna, Alva, Jetet,

⁴¹Oholibama, Ela, Pinon,

⁴²Kenas, Teman, Mibsar,

⁴³Magdiel og Iram. Dette var hovdingane i Edom etter bustadene deira i det landet dei åtte. Og dette var ætta til Esau, far til Edom-folket.