Read nynorsk 1978 2. Samuelsbok 23 Bible Online

2. Samuelsbok 23 - nynorsk 1978 bible

2. Samuelsbok 23

¹Dette er Davids siste ord. Så seier David, son til Isai, så seier mannen ¬som høgt er sett, han som er salva ¬av Jakobs Gud, helten i Israels songar:

²Gjennom meg talar ¬Herrens Ande, hans ord er på mi tunge.

³Israels Gud har tala, Israels Berg har sagt til meg: «Den som styrer folket ¬med rettferd, den som rår med gudsfrykt,

⁴han er lik morgonljoset når sola renn ¬ein skylaus morgon, og graset gror i sol etter regn.»

⁵Så har mitt hus det med Gud. Med meg har han gjort ¬ei evig pakt, vel skipa og nøye halden. Ja, alt som tener til mi frelse, alt eg ynskjer, lèt han gro fram.

⁶Men dei gudlause, dei er alle lik tornar som ein kastar bort, ingen rører dei med hendene.

⁷Den som kjem nær dei, væpnar seg ¬med jern og spydskaft. Så vert dei brende i elden.

⁸Dette er namna på krigarane åt David: Fyrst var det Josjeb-Basjebet av Hakmon-ætta, hovding over dei tre. Det var han som svinga spydet sitt over åtte hundre falne på ein gong. [48]

⁹Etter han kom Elasar, son til Dodo frå Akoak. Han var ein av dei tre krigarane som var med David ved Pas-Dammim då filistarane hadde samla seg til strid der. Israelittane drog seg attende,

¹⁰men han heldt ut og hogg ned filistarar til handa hans vart så stiv at ho hang fast i sverdet. Den dagen lét Herren israelittane vinna ein stor siger, og då stridsmennene vende om og fylgde Elasar, kunne dei berre plyndra dei falne.

¹¹Etter han kom Sjamma, son til Age frå Harar. Ein gong hadde filistarane samla seg ved Leki. Det var ein tett linseåker der, og då israelittane rømde for filistarane, [49]

¹²gjekk Sjamma midt ut i åkeren og verna han. Han hogg ned filistarar, og Herren lét han vinna ein stor siger.

¹³Ein gong då det leid mot skurdonna, fór tre av dei tretti hovdingane ned til David, som var i hola ved Adullam. Filistarhæren låg i leir i Refa’im-dalen. [50] [51]

¹⁴David heldt då til i fjellborga, og forposten åt filistarane låg ved Betlehem. [52]

¹⁵Då fekk David hug på vatn og sa: «Gjev einkvan ville henta vatn til meg frå brunnen ved byporten i Betlehem!»

¹⁶Dei tre kjempene braut seg gjennom filistarleiren, auste opp vatn or brunnen ved byporten i Betlehem og tok det med seg til David. Men han ville ikkje drikka. Han rende det ut for Herrens åsyn

¹⁷og sa: «Herren fri meg frå å gjera noko slikt! Skulle eg drikka blodet åt dei mennene som våga livet då dei gjekk?» Og han ville ikkje drikka. — Dette gjorde dei tre kjempene.

¹⁸Så var det Abisjai, bror til Joab og son til Seruja; han var hovding over dei tretti. Ein gong svinga han spydet sitt over tre hundre falne og fekk eit stort namn mellom dei tretti. [53]

¹⁹Han var høgt vørd mellom dei tretti og vart hovdingen deira. Men han kom ikkje opp mot dei tre.

²⁰Benaja Jojadason frå Kabse’el var ein mektig mann og gjorde mange storverk. Han slo i hel dei to kjempene frå Moab. Ein gong det hadde snøa, steig han ned i ein brunn og drap ei løve.

²¹Like eins felte han ein kjempestor egyptar. Egyptaren hadde eit spyd i handa. Men Benaja gjekk imot han med ein stav, reiv spydet ut or handa hans og drap han med hans eige spyd.

²²Dette gjorde Benaja Jojadason, og han fekk eit stort namn mellom dei tretti krigarane.

²³Han var høgt vørd mellom dei tretti, men kom ikkje opp mot dei tre. David sette han over livvakta si.

²⁴Til dei tretti høyrde Asael, bror til Joab; Elkanan, son til Dodo, frå Betlehem;

²⁵Sjamma frå Harod; Elika frå Harod;

²⁶Heles frå Pelet; Ira, son til Ikkesj, frå Tekoa;

²⁷Abieser frå Anatot; Mebunnai frå Husja;

²⁸Salmon frå Akoak; Marai frå Netofa;

²⁹Heleb, son til Ba’ana, frå Netofa; Ittai, son til Ribai, frå Gibea i Benjamin;

³⁰Benaja frå Piraton; Hiddai frå Ga’asj-dalane;

³¹Abi-Albon frå Bet-Ha’araba; Asmavet frå Bakurim;

³²Eljakba frå Sja’albon; Jasjen-sønene; Jonatan;

³³Sjamma frå Harar; Akiam, son til Sjarar, frå Harar;

³⁴Elifelet, son til Ahasbai, frå Ma’aka; Eliam, son til Akitofel, frå Gilo;

³⁵Hesro frå Karmel; Pa’arai frå Arab;

³⁶Jigal, son til Natan, frå Soba; Bani frå Gad;

³⁷Selek frå Ammon; Nakrai frå Be’erot, våpensveinen til Joab, son til Seruja;

³⁸Ira frå Jattir; Gareb frå Jattir;

³⁹hetitten Uria. Det var i alt trettisju mann. [54]