Read nynorsk 1978 1. Krønikebok 24 Bible Online

1. Krønikebok 24 - nynorsk 1978 bible

1. Krønikebok 24

¹Arons-sønene òg vart inndelte i skift. Sønene til Aron var Nadab og Abihu, Elasar og Itamar.

²Men Nadab og Abihu døydde før far sin og hadde ingen søner. Det var såleis berre Elasar og Itamar som vart prestar.

³Saman med Sadok av Elasar-sønene og Akimelek av Itamar-sønene delte David dei inn i flokkar etter den tenesta dei skulle ha.

⁴Men då det synte seg at Elasar-sønene hadde fleire hovdingar enn Itamar-sønene, laga dei det så at Elasar-sønene fekk seksten hovdingar for sine ættgreiner og Itamar-sønene åtte for sine ættgreiner.

⁵Det var med loddkasting dei delte dei, begge ættene. For det fanst leiarar for det heilage, for det som har med Gud å gjera, både mellom Elasar-sønene og Itamar-sønene.

⁶Skrivaren Sjemaja, son til Netanel av Levi-ætta, skreiv dei opp, medan kongen og stormennene, presten Sadok og Akimelek, son til Ebjatar, og ættehovdingane åt prestane og levittane såg på. Kvar gong dei tok ut ei ættgrein for Itamar, tok dei ut to for Elasar.

⁷Det fyrste loddet fall på Jojarib, det andre på Jedaja,

⁸det tredje på Harim, det fjerde på Seorim,

⁹det femte på Malkia, det sjette på Mijamin,

¹⁰det sjuande på Hakkos, det åttande på Abia,

¹¹det niande på Jesjua, det tiande på Sjekanja,

¹²det ellevte på Eljasjib, det tolvte på Jakim,

¹³det trettande på Huppa, det fjortande på Jesjebab,

¹⁴det femtande på Bilga, det sekstande på Immer,

¹⁵det syttande på Hesir, det attande på Happisses,

¹⁶det nittande på Petakja, det tjuande på Jeheskel,

¹⁷det tjuefyrste på Jakin, det tjueandre på Gamul,

¹⁸det tjuetredje på Delaja og det tjuefjerde på Ma’asja.

¹⁹Dette var dei skifta dei skulle vera inndelte i når dei kom og gjorde teneste i Herrens hus, så som Aron, ættefar deira, hadde sagt dei føre etter det påbodet han hadde fått frå Herren, Israels Gud.

²⁰Dei andre Levi-sønene var: av Amram-sønene Sjubael, av Sjubael-sønene Jekdeja;

²¹av Rehabja-sønene Jisjia, som var hovding;

²²av Jishar-sønene Sjelomot, av Sjelomot-sønene Jahat;

²³av Hebron-sønene Jeria — den andre var Amarja, den tredje Jahasiel og den fjerde Jekamam;

²⁴av Ussiel-sønene Mika; av Mika-sønene Sjamir

²⁵— bror til Mika var Jisjia; av Jisjia-sønene Sakarja;

²⁶av Merari-sønene Makli og Musji — mellom sønene hans var Ja’asia òg,

²⁷og etterkomarar etter Merari gjennom Ja’asia, son hans, var Sjoham, Sakkur og Ibri;

²⁸av Makli-sønene Elasar, som ikkje hadde søner sjølv;

²⁹av Kisj-sønene Jerakme’el;

³⁰av Musji-sønene Makli, Eder og Jerimot. Dette var Levi-sønene, ættgrein for ættgrein.

³¹Dei òg kasta lodd, liksom Arons-sønene, brørne deira, medan kong David, Sadok og Akimelek og ættehovdingane åt prestane og levittane stod og såg på, dei fremste ættgreinene så vel som dei ringaste.