Read nynorsk 1978 1. Krønikebok 6 Bible Online

1. Krønikebok 6 - nynorsk 1978 bible

1. Krønikebok 6

¹Sønene til Levi var Gersjom, Kehat og Merari.

²Sønene til Kehat var Amram, Jishar, Hebron og Ussiel.

³Borna til Amram var Aron, Moses og Mirjam. Og sønene til Aron var Nadab, Abihu, Elasar og Itamar.

⁴Elasar fekk sonen Pinhas, og Pinhas fekk Abisjua;

⁵Abisjua fekk Bukki, og Bukki fekk Ussi;

⁶Ussi fekk Serakja, og Serakja fekk Merajot;

⁷Merajot fekk Amarja, og Amarja fekk Akitub;

⁸Akitub fekk Sadok, og Sadok fekk Akima’as;

⁹Akima’as fekk Asarja, og Asarja fekk Johanan;

¹⁰Johanan fekk Asarja; det var han som gjorde presteteneste i det templet Salomo hadde bygt i Jerusalem.

¹¹Asarja fekk sonen Amarja, og Amarja fekk Akitub;

¹²Akitub fekk Sadok, og Sadok fekk Sjallum;

¹³Sjallum fekk Hilkia, og Hilkia fekk Asarja;

¹⁴Asarja fekk Seraja, og Seraja fekk Josadak.

¹⁵Men Josadak laut fara med då Herren lét Nebukadnesar føra folket i Juda og Jerusalem i fangenskap.

¹⁶Sønene til Levi var Gersjom, Kehat og Merari.

¹⁷Sønene til Gersjom heitte Libni og Sjimi.

¹⁸Sønene til Kehat var Amram, Jishar, Hebron og Ussiel.

¹⁹Og sønene til Merari var Makli og Musji. Dette er levittættene, nemnde etter fedrane deira:

²⁰Gersjom hadde sonen Libni; hans son var Jahat, hans son Simma,

²¹hans son Joak, hans son Iddo, hans son Serah og hans son Jeotrai.

²²Kehat hadde sonen Amminadab; hans son var Korah, hans son Assir,

²³hans son Elkana, hans son Ebjasaf, hans son Assir,

²⁴hans son Tahat, hans son Uriel, hans son Ussia og hans son Saul.

²⁵Sønene til Elkana var Amasai og Akimot;

²⁶hans son var Elkana, hans son Sofai, hans son Nahat,

²⁷hans son Eliab, hans son Jeroham og hans son Elkana.

²⁸Samuel hadde to søner; den eldste heitte Joel og den yngste Abia.

²⁹Merari hadde sonen Makli; hans son var Libni, hans son Sjimi, hans son Ussa,

³⁰hans son Sjima, hans son Haggia og hans son Asaja.

³¹Dette er dei mennene som David sette til å styra med songen i Herrens hus etter at paktkista var komen til ro.

³²Dei gjorde songarteneste framfor møteteltet, Guds bustad, alt til Salomo bygde Herrens hus i Jerusalem. Der stod dei og gjorde tenesta si som dei var føresagde.

³³Dette er tempelsongarane og sønene deira: Av Kehat-sønene: songaren Heman, son til Joel, son til Samuel,

³⁴son til Elkana, son til Jeroham, son til Eliel, son til Toah,

³⁵son til Sif, son til Elkana, son til Mahat, son til Amasai,

³⁶son til Elkana, son til Joel, son til Asarja, son til Sefanja,

³⁷son til Tahat, son til Assir, son til Ebjasaf, son til Korah,

³⁸son til Jishar, son til Kehat, son til Levi, som var son til Israel.

³⁹Asaf, bror til Heman, som stod på høgre sida hans, var son til Berekja, son til Sjima,

⁴⁰son til Mikael, son til Ba’aseja, son til Malkia,

⁴¹son til Etni, son til Serah, son til Adaja,

⁴²son til Etan, son til Simma, son til Sjimi,

⁴³son til Jahat, son til Gersjom, som var son til Levi.

⁴⁴Merari-sønene, brørne deira, stod på venstre sida: Etan, son til Kisji, son til Abdi, son til Malluk,

⁴⁵son til Hasjabja, son til Amasja, son til Hilkia,

⁴⁶son til Amsi, son til Bani, son til Sjemer,

⁴⁷son til Makli, son til Musji, son til Merari, som var son til Levi.

⁴⁸Dei andre levittane, brørne deira, var sette til å gjera allslags arbeid i huset som er Guds bustad.

⁴⁹Men Aron og sønene hans var det som bar fram offer på brennofferaltaret og på røykjelsesaltaret. Berre dei skulle tena i Det høgheilage og gjera soning for Israel, heilt og fullt så som Moses, Guds tenar, hadde sagt.

⁵⁰Dette var etterkomarane etter Aron: Elasar, hans son Pinhas, hans son Abisjua,

⁵¹hans son Bukki, hans son Ussi, hans son Serakja,

⁵²hans son Merajot, hans son Amarja, hans son Akitub,

⁵³hans son Sadok, hans son Akima’as.

⁵⁴Dette er bustadene åt levittane, teltbyane som dei hadde innanfor landområdet sitt: Fyrst vart det kasta lodd for Arons-sønene av Kehat-ætta,

⁵⁵og dei fekk Hebron i Juda med beitemarkene rundt ikring.

⁵⁶Men åkerlandet og landsbyane som høyrde byen til, fekk Kaleb, son til Jefunne.

⁵⁷Såleis fekk Arons-sønene fristadene Hebron og Libna med beitemarker, Jattir og Esjtemoa med beitemarker,

⁵⁸Hilen og Debir med beitemarker,

⁵⁹Asjan og Bet-Sjemesj med beitemarker,

⁶⁰og frå Benjamins-ætta Geba, Alemet og Anatot med beitemarker. Det var i alt tretten byar, og kvar ætt fekk sin by.

⁶¹Dei andre Kehat-sønene, ætt for ætt, fekk ved loddkasting ti byar frå Efraims-ætta, Dans-ætta og halve Manasse-ætta.

⁶²Gersjom-sønene, ætt for ætt, fekk tretten byar frå Jissakars-ætta, Asjers-ætta, Naftali-ætta og Manasse-ætta i Basan.

⁶³Merari-sønene, ætt for ætt, fekk ved loddkasting tolv byar frå Rubens-ætta, Gads-ætta og Sebulons-ætta.

⁶⁴Desse byane og beitemarkene som høyrde til, gav israelittane levittane.

⁶⁵Dei kasta lodd om desse byane i Juda, Simeon og Benjamin, som dei nemnde med namn, og gav dei til levittane.

⁶⁶Dei andre Kehat-ættene fekk desse byane av Efraims-ætta:

⁶⁷fristadene Sikem i Efraims-fjella med beitemarker og Geser med beitemarker,

⁶⁸Jokmeam og Bet-Horon med beitemarker,

⁶⁹Ajjalon og Gat-Rimmon med beitemarker,

⁷⁰og av den eine halvparten av Manasse-ætta Aner og Bileam med dei beitemarkene som høyrde til. Dette var det den andre Kehat-ætta fekk.

⁷¹Gersjom-sønene, ætt for ætt, fekk av den andre halvparten av Manasse-ætta Golan i Basan og Asjtarot med beitemarker;

⁷²av Jissakars-ætta Kedesj og Daberat med beitemarker,

⁷³Ramot og Anem med beitemarker;

⁷⁴av Asjers-ætta Masjal og Abdon med beitemarker,

⁷⁵Hukok og Rehob med beitemarker;

⁷⁶og av Naftali-ætta Kedesj i Galilea, Hammon og Kirjatajim med beitemarker.

⁷⁷Merari-sønene, dei andre levittane, fekk av Sebulons-ætta Rimmon og Tabor med beitemarker;

⁷⁸og på austsida av Jordan, midt for Jeriko, fekk dei av Rubens-ætta Beser i øydemarka og Jahsa med beitemarker,

⁷⁹Kedemot og Mefa’at med beitemarker,

⁸⁰og av Gads-ætta Ramot i Gilead og Mahanajim

⁸¹og Hesjbon og Jaser, alle med beitemarker attåt.