Read nynorsk 1978 1. Krønikebok 9 Bible Online

1. Krønikebok 9 - nynorsk 1978 bible

1. Krønikebok 9

¹Såleis vart alle israelittar innførte i ættelister, og dei er oppskrivne i boka om Israels-kongane. Folket i Juda vart bortført til Babylonia fordi det hadde bore seg trulaust åt.

²Dei fyrste som slo seg ned i byane og tok over eigedomane deira, var vanlege israelittar og prestar, levittar og tempeltenarar.

³I Jerusalem budde nokre av Juda-sønene, av Benjamins-sønene og av Efraims- og Manasse-sønene.

⁴Det var: Utai, son til Ammihud, son til Omri, son til Imri, son til Bani, ein av sønene til Peres, son til Juda;

⁵av Sjela-sønene: Asaja, den eldste, og sønene hans;

⁶av Serah-sønene: Je’uel; brørne deira var i alt seks hundre og nitti mann;

⁷av Benjamins-sønene: Sallu, son til Mesjullam, son til Hodavja, son til Hassenua,

⁸og Jibneja, son til Jeroham, og Ela, son til Ussi, son til Mikri, og Mesjullam, son til Sjefatja, son til Re’uel, son til Jibnia,

⁹og brørne deira, ætt for ætt, ni hundre og femtiseks i talet; alle desse mennene var hovdingar i ættgreinene sine.

¹⁰Av prestane: Jedaja, Jojarib, Jakin,

¹¹Asarja, son til Hilkia, son til Mesjullam, son til Sadok, son til Merajot, son til Akitub, som var den øvste i Guds hus,

¹²Adaja, son til Jeroham, son til Pasjkur, son til Malkia, og Masai, son til Adiel, son til Jaksera, son til Mesjullam, son til Mesjillemot, son til Immer,

¹³og brørne deira; dei var alle hovdingar i ættgreinene sine, eitt tusen sju hundre og seksti i talet, menn som dugde vel til å gjera teneste i Guds hus.

¹⁴Av levittane: Sjemaja, son til Hasjub, son til Asrikam, son til Hasjabja, ein av Merari-sønene,

¹⁵og Bakbakkar, Heresj, Galal og Mattanja, son til Mika, son til Sikri, son til Asaf,

¹⁶og Obadja, son til Sjemaja, son til Galal, son til Jedutun, og Berekja, son til Asa, son til Elkana, som budde i landsbyane åt Netofa-mennene.

¹⁷Portvaktarane var: Sjallum, Akkub, Talmon, Akiman og brørne deira; Sjallum var den øvste av dei.

¹⁸Dei står framleis ved Kongeporten, på austsida. Det er dei som held vakt i levittleirane. [14]

¹⁹Sjallum, son til Kore, son til Ebjasaf, son til Korah, og brørne hans, Korah-sønene, som høyrde til same ættgreina som han, gjorde vaktteneste ved dørstokkane i teltet, liksom fedrane deira hadde vakta inngangen til Herrens leir.

²⁰Pinhas, son til Elasar, hadde før i tida vore leiaren deira. Herren var med han.

²¹Sakarja, son til Mesjelemja, vakta møteteltdøra.

²²Alle desse som var utvalde til å halda vakt ved dørstokkane, var i alt to hundre og tolv mann. Dei var oppskrivne i ættelister etter landsbyane sine. David og sjåaren Samuel hadde sett dei inn i tenesta fordi dei var pålitelege.

²³Dei og sønene deira skulle halda vakt ved portane til Herrens hus, ved teltbustaden.

²⁴På fire sider skulle vaktarane sjå etter portane: i aust, vest, nord og sør.

²⁵Og brørne deira, som budde i landsbyane sine, skulle frå tid til anna koma og hjelpa dei i sju dagar.

²⁶Dei fire øvste portvaktarane gjorde støtt teneste. Dei var levittar. Sideroma og skattkammera i Guds hus hadde dei òg tilsyn med. [15]

²⁷Om natta heldt dei seg kring Guds hus; for det var dei som skulle halda vakt og syta for at portane vart opna kvar morgon.

²⁸Somme av levittane hadde tilsyn med dei reiskapane som vart nytta i gudstenesta. Dei skulle telja dei både når dei bar dei inn, og når dei bar dei ut.

²⁹Og somme var sette til å ta vare på dei vanlege kara og dei heilage kara og kveitemjølet, vinen, oljen, røykjelsen og balsamoljen.

³⁰Men det var nokre av prestane som laga salve av balsamen.

³¹Mattitja, ein av levittane, eldste son til Sjallum av Korah-ætta, var tiltrudd å ta seg av bakverket.

³²Og nokre av brørne deira frå Kehat-ætta hadde ansvaret for skodebrøda, som dei skulle leggja fram kvar sabbat.

³³Så var det tempelsongarane, ættehovdingar hjå levittane. Dei heldt til i sideroma; for dei laut gjera teneste dag og natt.

³⁴Dette var ættehovdingane hjå levittane, innførte som hovdingar i ættelistene. Dei budde i Jerusalem.

³⁵I Gibeon budde Je’uel, far til Gibeon. Kona hans heitte Ma’aka.

³⁶Eldste son hans var Abdon. Så kom Sur, Kisj, Ba’al, Ner, Nadab,

³⁷Gedor, Akjo, Sakarja og Miklot.

³⁸Miklot fekk sonen Sjima. Dei òg budde saman med brørne sine i Jerusalem, midt for brørne.

³⁹Ner fekk sonen Kisj, og Kisj var far til Saul. Saul fekk sønene Jonatan, Malkisjua, Abinadab og Esjba’al.

⁴⁰Son til Jonatan var Meribba’al, og Meribba’al fekk sonen Mika.

⁴¹Sønene til Mika var Piton, Melek, Tarea og Akas.

⁴²Akas fekk sonen Jara, og Jara vart far til Alemet, Asmavet og Simri. Simri fekk sonen Mosa,

⁴³og Mosa fekk Bina. Hans son var Refaja, hans son Elasa og hans son Asel.

⁴⁴Asel hadde seks søner, og dette er namna deira: Asrikam, Bokeru, Ismael, Sjearja, Obadja og Hanan. Alle desse var sønene til Asel.