Read nynorsk 1978 Nehemja 10 Bible Online

Nehemja 10 - nynorsk 1978 bible

Nehemja 10

¹Dei som skreiv under, var: statthaldaren Nehemja, son til Hakalja, Sidkia,

²Seraja, Asarja, Jeremia,

³Pasjkur, Amarja, Malkia,

⁴Hattusj, Sjebanja, Malluk,

⁵Harim, Meremot, Obadja,

⁶Daniel, Ginneton, Baruk,

⁷Mesjullam, Abia, Mijamin,

⁸Ma’asja, Bilgai og Sjemaja. Dette var prestane.

⁹Levittane var: Josva, son til Asanja, Binnui av Henadad-ætta og Kadmiel

¹⁰og frendane deira: Sjebanja, Hodia, Kelita, Pelaja, Hanan,

¹¹Mika, Rehob, Hasjabja,

¹²Sakkur, Sjerebja, Sjebanja,

¹³Hodia, Bani og Beninu.

¹⁴Stormennene i folket var: Parosj, Pakat-Moab, Elam, Sattu, Bani,

¹⁵Bunni, Asgad, Bebai,

¹⁶Adonja, Bigvai, Adin,

¹⁷Ater, Hiskia, Assur,

¹⁸Hodia, Hasjum, Besai,

¹⁹Harif, Anatot, Nebai,

²⁰Magpiasj, Mesjullam, Hesir,

²¹Mesjesabel, Sadok, Jaddua,

²²Pelatja, Hanan, Anaja,

²³Hosea, Hananja, Hasjub,

²⁴Hallokesj, Pilka, Sjobek,

²⁵Rehum, Hasjabna, Ma’aseja,

²⁶Akia, Hanan, Anan,

²⁷Malluk, Harim og Ba’ana.

²⁸Resten av folket — prestane, levittane, portvaktarane, songarane, tempeltenarane og alle dei som hadde skilt seg frå dei framande folka og ville leva etter Guds lov, og like eins konene og sønene og døtrene deira, alle som hadde godt nok vit —

²⁹dei slutta seg til dei fremste mennene i landet og svor dyrt og heilagt at dei ville fylgja Guds lov, som var gjeven ved Moses, Guds tenar. Dei ville halda alle boda frå Herren vår Gud, alle lovene og føresegnene hans, og leva etter dei:

³⁰Vi skal ikkje gje døtrene våre til menn av framande folkeslag og ikkje ta døtrene deira til koner åt sønene våre.

³¹Når framande folk kjem med allslags korn og andre varer og vil selja det på sabbaten, skal vi ikkje kjøpa av dei, korkje på sabbaten eller på andre helgedagar. Kvart sjuande år skal vi la jorda kvila og ettergje all gjeld.

³²Like eins tek vi på oss den plikta at vi kvart år skal betala ein tredjedels sekel til tenesta i vår Guds hus,

³³til skodebrøda, det daglege grødeofferet og brennofferet, til offera på sabbatane, nymånedagane og høgtidene, til dei heilage gåvene og til syndoffera som vert framborne til soning for Israel, og til alt arbeidet i vår Guds hus.

³⁴Vi, prestane, levittane og folket skal kasta lodd om ved-haldet til vår Guds hus. Huslyd for huslyd skal år etter år, til fastsette tider, koma med veden og såleis syta for brensel på altaret åt Herren vår Gud, som føreskrive er i lova.

³⁵Kvart år skal vi koma til Herrens hus med den fyrste grøda av jorda vår og dei fyrste mogne fruktene av alle slag tre.

³⁶Like eins skal vi, som føreskrive er i lova, føra opp til vår Guds hus dei fyrstefødde av sønene våre og av husdyra våre, anten det er storfe eller småfe, og gje dei til prestane som gjer teneste der.

³⁷Og det fyrste av brøddeigen, av alle slag frukt og av druesaft og olje skal vi koma til prestane med, til lagerroma i vår Guds hus. Tiend av det som veks på jorda vår, skal vi gje til levittane, og sjølve skal dei krevja henne inn i alle jordbruksbyane våre.

³⁸Ein prest, ein etterkomar etter Aron, skal vera med levittane når dei krev inn tienda, og sjølve skal levittane bera ein tiandepart av det dei får, opp til lagerroma i vår Guds hus.

³⁹For både israelittane og levittane skal koma til desse roma med dei heilage gåvene av korn, druesaft og olje. Der står kara som vert nytta i heilagdomen, og der held dei til, dei prestane som gjer teneste, og portvaktarane og songarane. Vi skal ikkje vanskøyta vår Guds hus.