Read nynorsk 1978 Nehemja 11 Bible Online

Nehemja 11 - nynorsk 1978 bible

Nehemja 11

¹Stormennene i folket busette seg i Jerusalem. Resten av folket kasta lodd om kvar dei skulle bu. Ein tiandepart skulle bu i Jerusalem, den heilage byen, og ni tiandepartar i dei andre byane.

²Og folket rosa alle dei mennene som var viljuge til å busetja seg i Jerusalem.

³Dette er dei hovdingane i landet som budde i Jerusalem, medan resten av folket og prestane, levittane, tempeltenarane og etterkomarane etter Salomos tenarar budde i byane i Judea, kvar på sin eigedom og i sin by.

⁴I Jerusalem budde nokre som høyrde Juda-ætta og Benjamins-ætta til. Av Juda-ætta: Ataja, son til Ussia, son til Sakarja, son til Amarja, son til Sjefatja, som var son til Mahalalel, ein av etterkomarane etter Peres,

⁵og Ma’aseja, son til Baruk, son til Kol-Hose, son til Hasaja, son til Adaja, son til Jojarib, som var son til Sakarja, ein etterkomar etter Sjela.

⁶I Jerusalem budde det i alt 468 våpenføre menn av Peres-ætta.

⁷Av Benjamins-ætta: Sallu, son til Mesjullam, son til Joed, son til Pedaja, son til Kolaja, son til Ma’aseja, son til Itiel, som var son til Jesaja,

⁸og så Gabbai og Sjallai, i alt 928 menn.

⁹Joel, son til Sikri, var tilsynsmannen deira, og Juda, son til Hassenua, var den nest øvste leiaren i byen.

¹⁰Av prestane: Jedaja, son til Jojarib, Jakin

¹¹og Seraja, son til Hilkia, son til Mesjullam, son til Sadok, son til Merajot, som var son til Akitub, forstandaren for Guds hus,

¹²og brørne deira som gjorde teneste i templet, 822 i talet, og Adaja, son til Jeroham, son til Pelalja, son til Amsi, son til Sakarja, son til Pasjkur, son til Malkia,

¹³og brørne hans, som var ættehovdingar, 242 i talet, og Amasai, son til Asarel, son til Aksai, son til Mesjillemot, som var son til Immer,

¹⁴og brørne hans, i alt 128 våpenføre menn. Sabdiel, son til Haggedolim, var tilsynsmannen deira.

¹⁵Av levittane: Sjemaja, son til Hasjub, son til Asrikam, son til Hasjabja, son til Bunni,

¹⁶og Sjabbetai og Josabad, som begge var levitthovdingar og stod for dei ytre gjeremål ved Guds hus,

¹⁷Mattanja, son til Mika, son til Sabdi, son til Asaf, songmeisteren som røysta i med lovsongen når dei bad, Bakbukja, som kom nest etter han av brørne hans, og Abda, son til Sjammua, son til Galal, son til Jeditun.

¹⁸I alt var det 184 levittar i den heilage byen.

¹⁹Av portvaktarane: Akkub, Talmon og brørne deira, som heldt vakt ved portane, i alt 172.

²⁰Resten av israelittane, prestane og levittane budde i alle dei andre byane i Judea, kvar på sin eigedom.

²¹Tempeltenarane budde på Ofel, og Sika og Gisjpa hadde tilsyn med dei. [9]

²²Tilsynsmenn for levittane i Jerusalem var Ussi, son til Bani, son til Hasjabja, son til Mattanja, son til Mika, ein av etterkomarane etter Asaf, dei som song når det vart halde gudsteneste i Guds hus.

²³For kongen hadde gjeve føresegn om songarane og fastsett kva dei skulle gjera kvar dag.

²⁴Kongens rådgjevar i alle saker som galdt folket, var Petakja, son til Mesjesabel, ein av etterkomarane etter Serah, son til Juda.

²⁵Nokre av dei som høyrde Juda-ætta til, budde i landsbyar med marker ikring: i Kirjat-Arba og byane der ikring, i Dibon og byane der ikring, i Jekabse’el og landsbyane som høyrer til,

²⁶i Jesjua, Molada og Bet-Pelet,

²⁷i Hasar-Sjual, i Be’er-Sjeba og byane der ikring,

²⁸i Siklag, i Mekona og byane der ikring,

²⁹i En-Rimmon, Sora og Jarmut,

³⁰i Sanoah, i Adullam og landsbyane som høyrer til, i Lakisj med markene ikring, i Aseka og byane der ikring. Såleis hadde dei bustadene sine frå Be’er-Sjeba til Hinnom-dalen.

³¹Dei som høyrde Benjamins-ætta til, budde i Geba, Mikmas og Ajja og i Betel og byane der ikring,

³²i Anatot, Nob og Ananja,

³³i Hasor, Rama og Gittajim,

³⁴i Hadid, Sebo’im og Neballat,

³⁵i Lod, Ono og Ge-Harasjim.

³⁶Av levittane var det nokre skift frå Judea som kom til å bu i Benjamin.