Read nynorsk 1978 Nehemja 12 Bible Online

Nehemja 12 - nynorsk 1978 bible

Nehemja 12

¹Dette er dei prestane og levittane som kom heim med Serubabel Sjealtielsson og Josva: Seraja, Jeremia, Esra,

²Amarja, Malluk, Hattusj,

³Sjekanja, Rehum, Meremot,

⁴Iddo, Ginnetoi, Abia,

⁵Mijamin, Ma’adja, Bilga,

⁶Sjemaja, Jojarib, Jedaja,

⁷Sallu, Amok, Hilkia og Jedaja. Desse var leiarar for prestane og for brørne sine på Josvas tid.

⁸Levittane var: Josva, Binnui, Kadmiel, Sjerebja, Juda og Mattanja. Det var han og brørne hans som styrte lovsongen,

⁹medan Bakbukja og Unni og brørne deira stod midt imot dei og gjorde si teneste.

¹⁰Josva fekk sonen Jojakim, Jojakim fekk Eljasjib, Eljasjib fekk Jojada,

¹¹Jojada fekk Jonatan, og Jonatan fekk Jaddua.

¹²På Jojakims tid var desse mennene leiarar for presteættene: Meraja for Seraja-ætta, Hananja for Jeremia-ætta,

¹³Mesjullam for Esra-ætta, Johanan for Amarja-ætta,

¹⁴Jonatan for Malluk-ætta, Josef for Sjebanja-ætta,

¹⁵Adna for Harim-ætta, Helkai for Merajot-ætta,

¹⁶Sakarja for Iddo-ætta, Mesjullam for Ginneton-ætta,

¹⁷Sikri for Abia-ætta, for Minjamin-ætta, Piltai for Moadja-ætta, [10]

¹⁸Sjammua for Bilga-ætta, Jonatan for Sjemaja-ætta,

¹⁹Mattenai for Jojarib-ætta, Ussi for Jedaja-ætta,

²⁰Kallai for Sallai-ætta, Eber for Amok-ætta,

²¹Hasjabja for Hilkia-ætta og Netanel for Jedaja-ætta.

²²Leiarane for presteættene vart oppskrivne i Eljasjibs, Jojadas, Johanans og Jadduas tid, heilt til styringstida åt persarkongen Dareios.

²³Leiarane for levittættene vart oppskrivne i krønikeboka fram til den tid Johanan Eljasjibsson levde.

²⁴Leiarane for levittane var: Hasjabja, Sjerebja, Josva, Binnui og Kadmiel og brørne deira som stod midt imot dei, kor mot kor, og song Guds lov og pris, så som føreskrive var av gudsmannen David.

²⁵Mattanja, Bakbukja, Obadja, Mesjullam, Talmon og Akkub heldt vakt over lagerroma i portane.

²⁶Desse levde på same tid som Jojakim, son til Josva Josadaksson, og på same tid som statthaldaren Nehemja og presten Esra, den skriftlærde.

²⁷Då muren kring Jerusalem skulle vigslast, henta dei levittane frå alle bustadene deira og førte dei til Jerusalem. Der skulle dei halda vigsle og gledehøgtid med lovprising og song, til klangen av cymblar, harper og lyrer.

²⁸Så samla songarane seg i Jerusalem. Dei kom frå området kring byen, frå landsbyane åt Netofa-sønene,

²⁹frå Bet-Haggilgal og frå markene kring Geba og Asmavet. For songarane hadde bygt seg landsbyar rundt ikring Jerusalem.

³⁰Då prestane og levittane hadde reinsa seg sjølve og så hadde reinsa folket, portane og muren,

³¹lét eg stormennene i Judea stiga opp på muren. Så stelte eg opp to store lovsongskor. Det eine gjekk til høgre nedover muren mot Oskeporten.

³²Etter dei fylgde Hosjaja og halvparten av stormennene i Judea,

³³Asarja, Esra, Mesjullam,

³⁴Juda, Benjamin, Sjemaja og Jeremia.

³⁵Så kom nokre av prestane med trompetar. Det var Sakarja, son til Jonatan, son til Sjemaja, son til Mattanja, son til Mikaja, son til Sakkur, son til Asaf,

³⁶og brørne hans, Sjemaja, Asarel, Milalai, Gilalai, Ma’ai, Netanel, Juda og Hanani. Dei bar dei musikkinstrumenta som gudsmannen David hadde fastsett, og Esra, den skriftlærde, gjekk føre dei.

³⁷Dei gjekk framom Kjeldeporten og opp troppene til Davids-byen. Så gjekk dei ned den troppa som fører til muren attmed Davids hus, og fram til Vassporten i aust.

³⁸Det andre koret gjekk til venstre, og eg fylgde etter med den andre halvparten av folket. Vi gjekk oppe på muren, framom Omnstårnet, bort til Den breie muren,

³⁹så over Efraims-porten, Gamleporten og Fiskeporten, framom Hananel-tårnet og Mea-tårnet, til Saueporten, og vart ståande ved Fengselsporten.

⁴⁰Så stelte dei to kora seg opp attmed Guds hus. Det same gjorde eg og halvparten av forstandarane med meg,

⁴¹og prestane Eljakim, Ma’aseja, Minjamin, Mikaja, Eljoenai, Sakarja og Hananja med trompetane sine,

⁴²og så Ma’aseja, Sjemaja, Elasar, Ussi, Johanan, Malkia, Elam og Eser. Og songarane røysta i; det var Jisrakja som styrte songen.

⁴³Den dagen bar dei fram store offer, og dei gledde seg; for Gud hadde gjort dei storleg glade. Kvinnene og borna gledde seg òg, og jubelropa i Jerusalem høyrdest langan lei.

⁴⁴Same dagen vart det sett inn menn som skulle ha tilsyn med lagerroma for dei heilage gåvene, fyrstegrøda og all tienda. Der skulle dei samla det som kom inn frå bymarkene, og som prestane og levittane hadde rett til etter lova. Gleda i Judea var stor fordi prestane og levittane atter gjorde teneste i heilagdomen.

⁴⁵Dei tok seg av tenesta for sin Gud og stod for reinsinga. Like eins gjorde songarane og portvaktarane si gjerning, som føreskrive var av David og Salomo, son hans.

⁴⁶Alt i gamle dagar, i Davids tid, vart Asaf leiar for songarane og hadde ansvaret for lov- og takkesongen til Gud.

⁴⁷Og i Serubabels og Nehemjas dagar gav alle israelittane songarane og portvaktarane det dei trong kvar dag. Folket kom til levittane med heilage gåver, og levittane kom til Arons-sønene med det dei skulle ha.