Read nynorsk 1978 Nehemja 3 Bible Online

Nehemja 3 - nynorsk 1978 bible

Nehemja 3

¹Eljasjib, øvstepresten, og brørne hans, prestane, gjekk no i gang og bygde Saueporten. Dei vigde han og sette inn dørene. Så heldt dei fram til Mea-tårnet og Hananel-tårnet, som dei òg vigde.

²Jamsides med dei arbeidde mennene frå Jeriko og attmed dei Sakkur, son til Imri.

³Fiskeporten vart bygd av mennene frå Sena’a. Dei tømra han opp og sette inn dører med lås og slå.

⁴Jamsides med dei arbeidde Meremot, son til Uria og soneson til Hakkos, attmed han Mesjullam, son til Berekja og soneson til Mesjesabel, og så Sadok, son til Ba’ana.

⁵Jamsides med dei arbeidde folket frå Tekoa; men stormennene deira bøygde ikkje nakken under arbeidet for herren sin.

⁶Jojada, son til Paseak, og Mesjullam, son til Besodja, vølte Gamleporten. Dei tømra han opp og sette inn dører med lås og slå.

⁷Jamsides med dei arbeidde Melatja frå Gibeon, Jadon frå Meronot og mennene frå Gibeon og Mispa, som høyrde inn under statthaldaren vestanfor Eufrat.

⁸Jamsides med dei arbeidde gullsmeden Ussiel, son til Harhaja, og attmed han Hananja, ein av salveblandarane. Dei bygde opp att byen fram til Den breie muren.

⁹Jamsides med dei arbeidde Refaja, son til Hur. Han var hovding over den eine halvparten av Jerusalems-området.

¹⁰Attmed han, midt for sitt eige hus, arbeidde Jedaja, son til Harumaf, og så Hattusj, son til Hasjabneja.

¹¹Eit anna stykke av muren vart vølt av Malkia, son til Harim, og Hasjub, son til Pakat-Moab. Dessutan vølte dei Omnstårnet.

¹²Jamsides med dei arbeidde Sjallum, son til Hallokesj, hovdingen over den andre halvparten av Jerusalems-området, og døtrene hans.

¹³Dalporten vart vølt av Hanun og Sanoah-buane. Dei bygde han opp att og sette inn dører med lås og slå. Dei vølte bymuren heilt ned til Oskeporten, eit stykke på tusen alner.

¹⁴Oskeporten vart vølt av Malkia, son til Rekab, hovdingen over Bet-Hakkerem-området. Han bygde opp att porten og sette inn dører med lås og slå.

¹⁵Kjeldeporten vart vølt av Sjallun, son til Kol-Hose, hovdingen over Mispa-området. Han bygde opp att porten, la tak på han og sette inn dører med lås og slå. Han vølte òg muren frammed Sjelah-dammen ved kongshagen heilt bort til den troppa som går ned frå Davids-byen.

¹⁶Bortanfor han arbeidde Nehemja, son til Asbuk, hovdingen over den eine halvparten av Bet-Sur-området. Han vølte muren ned til Davids-gravene, til den gravne dammen og til krigarhuset.

¹⁷Lenger borte arbeidde levittane: Rehum, son til Bani, og attmed han Hasjabja, som stod for den halvparten av Ke’ila som han var hovding over.

¹⁸Bortanfor dei arbeidde brørne deira: Bavvai, son til Henadad, hovdingen over den andre halvparten av Ke’ila-området,

¹⁹og attmed han vølte Eser, son til Jesjua, hovdingen over Mispa, eit anna stykke, frå midt for oppgangen til våpenhuset i Kroken.

²⁰Etter han kom Baruk, son til Sakkai, som med stor iver vølte eit anna stykke, frå Kroken og til døra på huset åt øvstepresten Eljasjib.

²¹Etter han kom Meremot, son til Uria og soneson til Hakkos, som vølte eit anna stykke, frå døra på huset åt Eljasjib og til enden av huset hans.

²²Lenger borte arbeidde dei prestane som budde nær Jerusalem.

²³Etter dei kom Benjamin og Hasjub, som arbeidde midt for sitt eige hus. Så kom Asarja, son til Ma’aseja og soneson til Ananja, som arbeidde frammed sitt hus.

²⁴Etter han kom Binnui, son til Henadad, som vølte eit anna stykke, frå huset åt Asarja til Kroken og Hjørnet.

²⁵Palal, son til Usai, arbeidde midt for Kroken og det tårnet som skyt fram frå den øvre delen av slottet ved vaktgarden. Etter han kom Pedaja, son til Parosj.

²⁶Tempeltenarane som budde på Ofel, vølte muren til midt for Vassporten i aust og det framskotne tårnet. [4]

²⁷Så kom mennene frå Tekoa, som vølte eit anna stykke, frå det store og framskotne tårnet og til Ofel-muren.

²⁸Ovanfor Hesteporten arbeidde prestane, kvar framfor sitt eige hus.

²⁹Etter dei kom Sadok, son til Immer, som arbeidde midt for sitt hus, og etter han Sjemaja, son til Sjekanja, som hadde vakthaldet ved Austporten.

³⁰Etter han kom Hananja, son til Sjelemja, og Hanun, sjette sonen til Salaf, som vølte eit anna stykke, og så Mesjullam, son til Berekja, som arbeidde midt for romet sitt.

³¹Etter han kom Malkia, ein av gullsmedane, som vølte muren fram til huset åt tempeltenarane og kjøpmennene, midt for Mønstringsporten, og vidare til Hjørnesalen.

³²Mellom Hjørnesalen og Saueporten arbeidde gullsmedane og kjøpmennene.