Read nynorsk 1978 Job 11 Bible Online

Job 11 - nynorsk 1978 bible

Job 11

¹Då tok Sofar frå Na’ama til ords og sa:

²Skal ikkje pratmakaren få svar? Får han rett, ¬han som brukar så store ord?

³Skulle skvalderet ditt ¬få menn til å teia, så du kan spotta utan motsegn?

⁴Du vågar å seia: ¬«Mi lære er rein, og eg står skuldlaus ¬framfor deg.»

⁵Men ville Gud berre ¬opna munnen og ta til ords imot deg,

⁶forkynna deg ¬sin løynde visdom, som gjev dobbelt skjøn, då skulle du forstå at Gud kan la di synd ¬verta gløymd.

⁷Kan du lodda djupnene i Gud eller finna ei grense for stordomen ¬åt Den Allmektige?

⁸Høgare er han enn himmelen — kva kan du gjera? — og djupare enn dødsriket — kva veit du?

⁹Han har større mål enn jorda og femner vidare enn havet.

¹⁰Om Gud dreg ut og tek fangar og stemner folk for retten, kven kan hindra han?

¹¹Han kjenner dei falske menner og ser den vondskap ¬som ingen merkar.

¹²Kan ein uvitug mann få vit? Kan eit villesel ¬skapast om til menneske?

¹³Om du vender hugen til han og breier ut hendene mot han,

¹⁴— er det vondskap i handa, ¬så få han bort, lat ingen urett bu i ditt telt! —

¹⁵då kan du utan flekk og lyte ¬lyfta hovudet, stå der støtt og sleppa reddast.

¹⁶For du skal gløyma di møde; du skal berre minnast henne, som du minnest vatn ¬som rann sin veg.

¹⁷Ditt liv skal verta meir strålande ¬enn middagssola, og mørkret skal verta ¬som ljose morgonen.

¹⁸Du kan vera full av tillit, ¬for det er von; du kan sjå deg om ¬og leggja deg trygt.

¹⁹Ingen skræmer deg ¬når du går til ro, mange prøver ¬å vinna din godvilje.

²⁰Men dei vonde får sløve augo, dei har ingen stad ¬dei kan røma til, deira einaste von er å få anda ut.