Read nynorsk 1978 Job 12 Bible Online

Job 12 - nynorsk 1978 bible

Job 12

¹Då tok Job til ords og sa:

²Ja, de er sanneleg ¬noko til karar! Med dykk døyr nok ¬visdomen ut.

³Men eg òg har vit, eg er ikkje ringare mann enn de. Kven kjenner ikkje til slikt?

⁴Eg er til lått for mine vener, eg som ropa til Gud ¬og fekk svar, eg som er rettvis og ærleg.

⁵«Bry deg ikkje om ulukka!» tenkjer dei som er trygge. «Ho ventar dei ¬som er ustøe på foten.»

⁶Valdsmenn får ha sine telt ¬i fred; trygge er dei ¬som vekkjer Guds vreide og trur dei har Gud i si hand.

⁷Spør berre dyra, ¬dei skal læra deg, himmelens fuglar, ¬dei skal gje deg kunnskap.

⁸Eller tenk på jorda, ¬ho kan opplysa deg, fisken i havet ¬har noko å fortelja.

⁹Kven skjønar ikkje, ¬når han ser alt dette, at Gud har skapt det ¬med si kraft?

¹⁰Han har kvar levande sjel ¬i si hand og rår over ånda ¬i kvar manns kropp.

¹¹Prøver ikkje øyra ¬dei ord som vert sagde, liksom ganen smakar på maten?

¹²Er det berre dei gamle ¬som har visdom, berre eit langt liv ¬som gjev skjøn?

¹³Hjå Gud er visdom og velde, han legg planar med vit.

¹⁴Når han riv ned, ¬byggjer ingen opp; når han stengjer for ein mann, ¬kan ingen opna.

¹⁵Sjå, han demmer for vatnet, ¬då turkar det bort, han slepper det ut, ¬og det riv jorda med seg.

¹⁶Hjå han er styrke og klokskap; han rår over den som fer vilt, og over den som fører vilt.

¹⁷Rådsherrar ¬fører han berrføtte bort, og domarar gjer han til dårar.

¹⁸Han løyser kongars lekkjer og bind hoftekledet om dei.

¹⁹Han fører prestar ¬berrføtte bort og feller mektige menn.

²⁰Han tek mælet ¬frå pålitelege folk og dømekrafta frå dei eldste.

²¹Han auser vanvørdnad ¬ut over fyrstar og løyser beltet på sterke menn.

²²Han avslører det ¬som er løynt i mørkret, og det ¬som er stummande mørkt, fører han fram i ljoset.

²³Han lèt folka auka ¬— og gjer ende på dei, lèt folkeslag breia seg ¬— og fører dei bort.

²⁴Han tek vitet ¬frå landsens hovdingar og fører dei vilt i veglaus audn.

²⁵Dei fomlar i mørker, ¬og det ljosnar ikkje, han lèt dei raga ¬som drukne menn.