Read nynorsk 1978 Job 13 Bible Online

Job 13 - nynorsk 1978 bible

Job 13

¹Alt dette har eg sett ¬med eigne augo, eg har høyrt det ¬og merka meg det.

²Det de veit, veit eg òg, eg er ikkje ringare mann enn de.

³Men eg vil tala ¬til Den Allmektige og forsvara meg mot Gud.

⁴Men de som smør på så tjukt ¬med lygn, kvaksalvarar er de alle.

⁵Gjev de ville teia! Då skulle de reknast for vise.

⁶Så høyr kva eg har å seia imot, lyd på mitt innlegg i striden!

⁷Vil de forsvara Gud med urett, tala hans sak på svikefull vis?

⁸Vil de halda med Gud og vera sakførarar for han?

⁹Går det godt ¬om han ransakar dykk? Vil de narra han ¬som ein narrar menneske?

¹⁰Han kjem til å refsa dykk om de i løynd held med han.

¹¹Vert de ikkje skræmde ¬av hans velde, kjenner de ikkje redsle for han?

¹²Dei fyndord de talar, ¬er som oske, og dei svar de gjev, ¬held like lite som leire.

¹³Tei stilt og lat meg få tala, kva som enn måtte henda meg!

¹⁴Eg vel den farefulle vegen, ja, set livet på spel.

¹⁵Eg ventar på han ¬som vil drepa meg, eg vil visa han at mi ferd er rett.

¹⁶Og det skal verta mi berging; for ingen gudlaus ¬kan gå fram for han.

¹⁷Så høyr då vel på mine ord, og lyd på mi utgreiing!

¹⁸Sjå, no legg eg fram mi sak, eg veit at eg har rett.

¹⁹Kan nokon føra klagemål ¬mot meg? Då ville eg teia stilt og døy.

²⁰Berre to ting ¬må du spara meg for, så slepp eg løyna meg for deg.

²¹Ta handa di bort frå meg, lat meg ikkje skræmast ¬av redsle for deg! [13]

²²Stemn meg du, så skal eg svara, eller lat meg tala, ¬og svar meg du!

²³Kor mange er mine brot ¬og synder? Lat meg få vita om mi synd ¬og skuld!

²⁴Kvifor løyner du andletet ¬for meg? Kvifor held du meg ¬for ein fiende?

²⁵Vil du skræma ¬eit bortblåse blad og springa ¬etter eit turt halmstrå?

²⁶Hardt er ditt klageskriv ¬mot meg, du lèt meg bøta ¬for min ungdoms synder.

²⁷Du set mine føter i blokka; sidan vaktar du på meg ¬kvar eg går, og merkjer av mine fotefar,

²⁸endå eg er ¬som ein utsliten skinnsekk, lik mòletne klede.