Read nynorsk 1978 Job 16 Bible Online

Job 16 - nynorsk 1978 bible

Job 16

¹Då tok Job til ords og sa:

²Eg har høyrt nok av dette; brysame trøystarar er de alle.

³Vert det aldri slutt på tome ord? Kva er det ¬som eggjar deg til å svara?

⁴Eg kunne vel òg ha tala som de, om de hadde vore i min stad. Då kunne eg halde fine talar og rist på hovudet av dykk.

⁵Men eg ville ha styrkt dykk ¬med min tale og ikkje spart på milde ord.

⁶Om eg tala, skulle det ikkje ¬vanta på medynk, og han tok ikkje slutt ¬om eg heldt opp.

⁷Men no har Gud ¬gjort meg kraftlaus! Du øydde ut alle ¬som høyrde meg til.

⁸Du tok tak i meg, ¬og det vitna imot meg; min sjukdom stod fram ¬og klaga meg.

⁹I vreide og fiendskap ¬riv han meg sund, han skjer tenner mot meg. Mine fiendar kvesser augo

¹⁰og spilar opp gapet mot meg, dei slår meg hånleg på kinnet og rottar seg saman mot meg.

¹¹Gud har gjeve meg ¬vonde menn i vald, han har kasta meg ¬i hendene på nidingar.

¹²Eg levde i fred, ¬då riste han meg, tok meg i nakken ¬og knuste meg. Han sette meg opp ¬til skyteskive,

¹³hans piler kom mot meg ¬frå alle kantar. Nådelaust kløyvde han ¬nyrene mine, han lét min galle renna til jorda.

¹⁴Flengje på flengje ¬reiv han i meg og storma mot meg ¬som ein krigar.

¹⁵Syrgjeplagg har eg sytt ¬om min kropp og bøygt meg audmjukt i støvet.

¹⁶Andletet mitt er raudt av gråt og augneloka svarte,

¹⁷endå hendene ikkje er merkte ¬av udåd, og bøna mi er rein.

¹⁸Å, jord, du må ikkje gøyma ¬mitt blod, lat aldri mitt klagerop stilna! [14]

¹⁹Eg har då mitt vitne ¬i himmelen, ein som talar mi sak i det høge.

²⁰Venene mine spottar meg, gråtande vender eg augo ¬til Gud.

²¹Gjev han må la mennesket ¬få rett hjå Gud og avgjera striden mellom ¬mannen og hans neste!

²²For det er ikkje mange år ¬før eg fer den vegen ¬som aldri fører attende.