Read nynorsk 1978 Job 18 Bible Online

Job 18 - nynorsk 1978 bible

Job 18

¹Då tok Bildad frå Sjuah til ords og sa:

²Kor lenge vil de velja ¬så varsame ord? Tenk dykk om, ¬så skal vi talast ved!

³Kvifor skal vi reknast som fe? Trur de at vi er ureine?

⁴Du som riv deg sund i vreide, skal jorda øydast for di skuld og fjellet flyttast frå sin stad?

⁵Ljoset sloknar for den gudlause, det logar ingen eld på hans åre.

⁶Ljoset i teltet hans går ut, og lampa sloknar for han.

⁷Hans sterke steg vert hindra, han fell for sin eigen plan.

⁸Hans føter vert fanga i garnet, og han går i nettet.

⁹Snara grip han om hælen, rennelykkja held han fast.

¹⁰Garnet han går i, ¬er løynt på jorda, snara ligg på hans veg.

¹¹Redsler skræmer på alle kantar, dei jagar han ¬kvar han set sin fot.

¹²Ulukka hungrar etter han, undergang står ferdig ¬attmed han.

¹³Hans hud tærest bort ¬stykke for stykke, ein drepande sjukdom ¬et hans lemer.

¹⁴Han vert riven ut or ¬sitt trygge telt; du fører han bort ¬til redselskongen. [15]

¹⁵Andre kan bu ¬i det teltet han åtte, svovel vert strøytt ¬på hans bustad.

¹⁶Nede i jorda turkar hans røter, og ovantil visnar hans greiner.

¹⁷Hans minne kjem bort ¬frå landet, ingen nemner hans namn ¬på gata.

¹⁸Dei støyter han frå ljoset ¬og ut i mørkret, dei jagar han ut or verda.

¹⁹Han har ikkje born, ingen etterkomar i sitt folk; der han budde, ¬slapp ingen unna.

²⁰Dei støkk til i vest ¬når dei ser hans lagnad, og i aust vert dei gripne ¬av redsle.

²¹Ja, så går det ¬med nidings bustad, med heimen til den ¬som ikkje kjenner Gud.