Read nynorsk 1978 Job 21 Bible Online

Job 21 - nynorsk 1978 bible

Job 21

¹Då tok Job til ords og sa:

²Høyr vel etter det eg seier, lat det vera den trøyst ¬de gjev meg.

³Ber over med meg, ¬så eg får tala; når eg er ferdig, kan de spotta.

⁴Er det menneske mi klage gjeld? Har eg ikkje grunn ¬til å vera utolmodig?

⁵Vend dykk hit, ¬så vil de støkka til og leggja handa på munnen.

⁶Eg tenkjer på noko ¬som gjer meg forfærd, heile kroppen skjelv:

⁷Kvifor skal dei gudlause få leva, verta gamle og auka si makt ¬og sin rikdom?

⁸Trygt lever borna deira hjå dei, etterkomarane ¬har dei ikring seg.

⁹Deira hus er trygge ¬mot det som skræmer, og Gud brukar ikkje riset ¬på dei.

¹⁰Hjå dei spring oksane ¬aldri fåfengt, kyrne kalvar og kastar ikkje.

¹¹Dei slepper ut småborna ¬som sauer, og gutane hoppar og dansar.

¹²Dei syng til tromme- og lyrelåt og jublar til fløytetonar.

¹³Dei endar sine dagar i lukke og går til dødsriket i fred.

¹⁴Endå seier dei til Gud: ¬«Gå frå oss! Vi har ikkje hug ¬til å kjenna din veg.

¹⁵Kvifor skal vi tena ¬Den Allmektige? Kva nyttar det ¬at vi bed til han?»

¹⁶Dei gudlause ¬har ikkje lukka i si hand, dei legg planar ¬utan å rekna med Gud.

¹⁷Kor ofte sloknar lampa ¬for nidingar, kor ofte kjem ulukka over dei? Er det slik ein lagnad ¬han gjev dei i sin vreide?

¹⁸Lèt han dei verta ¬som halmstrå i vinden, lik agner ¬som stormen sopar bort?

¹⁹Er det Guds vilje ¬å spara mannen og la ulukka ¬koma over hans born? Nei, han burde straffa han sjølv ¬så det kjennest.

²⁰Han skulle få sjå sin undergang, drikka vreidevin ¬frå Den Allmektige.

²¹For kva bryr han seg ¬om si ætt etter døden, når hans tilmælte tid er ute?

²²Er det nokon som vil læra Gud, han som rår ¬over dei høgaste skapningar? [17]

²³Éin døyr midt i si beste kraft, heilt igjennom sorglaus ¬og roleg,

²⁴hans kar er fulle av mjølk, og hans bein har saftfull merg.

²⁵Ein annan døyr med bitter hug og har aldri fått nyta lukke.

²⁶Så ligg dei begge nedi molda, fulle av makk og kryp.

²⁷Ja, eg kjenner dykkar tankar, dei vonde planar ¬de legg imot meg.

²⁸For de spør: ¬«Kvar er stormannens hus? Kvar er teltet ¬der dei gudlause budde?»

²⁹Har de ikkje spurt vidfarne folk og lagt merke til ¬det dei kan fortelja?

³⁰Den vonde vert spart ¬på ulukkedagen, han finn berging ¬på vreidedagen.

³¹Kven påtalar ope ¬hans ringe ferd, kven gjev han att ¬for det han har gjort?

³²Dei ber han til grava, og ved gravhaugen ¬held dei vakt.

³³Han kviler i fred ¬under torva i dalen. Alle menneske fylgjer etter, og ei tallaus mengd ¬har gått føre.

³⁴Nei, de trøystar meg ¬til inga nytte, falske er dei svar de gjev.