Read nynorsk 1978 Job 23 Bible Online

Job 23 - nynorsk 1978 bible

Job 23

¹Då tok Job til ords og sa:

²Ja, i dag må eg klaga sårt. Tungt ligg hans hand på meg ¬når eg sukkar.

³Å, visste eg berre korleis eg kunne finna han og koma fram ¬for hans kongsstol.

⁴Då la eg fram for han mi sak og fylte min munn ¬med gode grunnar.

⁵Då fekk eg vita ¬kva han ville svara, og skjøna ¬kva han ville seia meg.

⁶Ville han strida mot meg ¬med si store makt? Å nei, han ville nok høyra ¬på meg.

⁷Så drøfte eg ærleg mi sak ¬med han og berga min rett for alltid.

⁸Men går eg mot aust, ¬så er han ikkje der, og mot vest, ¬så merkar eg han ikkje.

⁹Går eg mot nord, ¬ser eg ikkje kva han gjer, snur eg mot sør, ¬får eg ikkje auga på han.

¹⁰Han kjenner den vegen eg går; som gull ¬skulle eg stå hans prøve.

¹¹Eg fylgde støtt i hans fotefar og heldt meg trufast ¬på hans veg.

¹²Eg veik ikkje av ¬frå dei bod han gav, men gøymde hans ord ¬i min barm.

¹³Han er alltid den same ¬— kven kan hindra han? Det han har hug til, ¬det gjer han.

¹⁴Han fullfører det ¬han har fastsett for meg, og mykje slikt har han i tankar.

¹⁵Difor gruar eg for å møta han; når eg tenkjer på han, ¬må eg skjelva.

¹⁶Gud har gjort meg motlaus, Den Allmektige ¬har skræmt meg.

¹⁷Men mørkret ¬har ikkje tynt meg, endå det skumrar ikring meg.