Read nynorsk 1978 Job 26 Bible Online

Job 26 - nynorsk 1978 bible

Job 26

¹Då tok Job til ords og sa:

²Kor godt du har hjelpt ¬ein kraftlaus mann og støtta ein arm ¬som ikkje har styrke!

³Du gav råd ¬til den som vanta visdom, og stort skjøn lét du han få.

⁴Kven hjelpte deg til å finna ord, kven kjem ho ifrå, den ånda som går ut frå deg?

⁵Daudingane skjelv av angst ¬der nede, vatnet og alt som held til i det.

⁶Dødsriket ligg ope for Gud, undergangsstaden ¬er ikkje løynd for han. [19]

⁷Han har breitt nordhimmelen ¬ut over audna, hengt jorda opp ¬over det tome rom.

⁸Vatnet sveiper han i skyer, og skylaget brest ikkje ¬under det.

⁹Han stengjer, ¬så ingen ser hans kongsstol når han breier sine skyer ¬ut under den.

¹⁰Han har drege opp ¬himmelranda over havet, der grensa går ¬mellom ljos og mørker.

¹¹Søylene under himmelen skjelv, lamslegne er dei når han trugar.

¹²Han rørte opp havet ¬med si kraft og knuste Rahab i sin klokskap.

¹³Når han lèt det blåsa, ¬klårnar himmelen. Med si hand ¬har han gjennombora ormen som rømer så raskt. [20]

¹⁴Sjå, dette er berre randa ¬av hans verk; det er som å høyra ei kviskring. Kven kan då skjøna den tora som lyder når han gjer storverk?