Read nynorsk 1978 Job 27 Bible Online

Job 27 - nynorsk 1978 bible

Job 27

¹Job heldt fram med visdomstalen sin og sa:

²Så sant Den Allmektige lever, han som ikkje lèt meg få ¬min rett, Gud som har gjort meg beisk ¬i hug:

³Så lenge det er livsande i meg, pust frå Gud i min nase,

⁴skal eg ikkje ta urett ¬på mine lipper eller svik på mi tunge ¬når eg talar.

⁵Eg kjem aldri til å gje dykk rett; så lenge eg lever, gjev eg ikkje opp mi ¬ærlege ferd.

⁶Eg held fast på min rett ¬og slepper han ikkje. Hjarta mitt klagar meg ikkje for noko eg har gjort i mitt liv.

⁷Lat min fiende stå der ¬som niding, min motstandar ¬som ugjerningsmann.

⁸For kva kan den gudlause ¬vona på når Gud skjer livstråden av og gjer ende på hans liv?

⁹Høyrer Gud hans klagerop når trengsla kjem over han?

¹⁰Kan han gleda seg ¬over Den Allmektige og stendig ropa til Gud?

¹¹Eg vil læra dykk om Guds makt og ikkje dølja kva ¬Den Allmektige har tenkt.

¹²De har då sett det, alle saman. Kvifor kjem de så ¬med tome ord?

¹³Dette er den lagnad som det vonde mennesket får ¬hjå Gud, den arv som valdsmannen får frå Den Allmektige.

¹⁴Om borna hans er mange, skal dei falla for sverd, og etterkomarane får ikkje brød, så dei kan eta seg mette.

¹⁵Dei som slepp unna, ¬skal døy i pest, og enkjene held ikkje ¬syrgjehøgtid.

¹⁶Når han haugar opp sølv ¬som mold og samlar seg klede som leire,

¹⁷skal rettferdige kle seg med det han har samla, og skuldlause menn dela sølvet.

¹⁸Det huset han byggjer, er som spindelvev, som lauvhytta vaktmannen ¬lagar seg.

¹⁹Han legg seg ned ¬som rikmann, men det gjer han aldri meir; når han vaknar, ¬er rikdomen borte.

²⁰Redsler når han att som vatn, om natta ¬sopar stormen han bort.

²¹Austavinden lyfter han opp og riv han med, ¬så han fer av stad.

²²Folk kastar på han utan skånsel, han må røma frå deira vald ¬og makt.

²³Dei klappar hånleg i hendene og pip han bort frå hans stad.