Read nynorsk 1978 Job 33 Bible Online

Job 33 - nynorsk 1978 bible

Job 33

¹Men høyr på det eg seier, ¬Job, lyd på alle mine ord!

²Sjå, eg opnar min munn, eg vil bruka mål og mæle.

³Eg talar av eit ærleg hjarta, eg seier beint fram det eg veit.

⁴Det er Guds Ande ¬som har skapt meg, anden frå Den Allmektige ¬held meg i live.

⁵Dersom du kan, ¬så gjev meg svar! Stå opp og legg fram di sak!

⁶Sjå, for Gud er vi begge like, eg òg er laga av leire.

⁷Du treng ikkje skjelva ¬av redsle for meg, mi hand skal ikkje ¬kvila tungt på deg.

⁸Du sa då så eg høyrde det, — klårt fekk eg tak i orda:

⁹«Eg er rein og utan synd, lytelaus er eg, fri for skuld.

¹⁰Men Gud finn noko å seia ¬på meg, han held meg for sin fiende.

¹¹Han set mine føter i blokka og vaktar meg kvar eg går.»

¹²Nei, til det vil eg svara: «Dette har du ikkje rett i, for Gud er større ¬enn menneske.»

¹³Kvifor fører du ¬dette klagemålet mot han: «Han svarar ikkje ¬kva eg så seier.»

¹⁴Gud talar ein gong, ¬ja ein gong til, men folk bryr seg ikkje om det.

¹⁵I draumar og syner om natta, når menneske fell i tung svevn, eller når dei ligg og blundar,

¹⁶då opnar han øyro deira og åtvarar dei ¬på skræmande vis.

¹⁷Han vil få mannen bort ¬frå hans udåd og rydja hovmodet ut hjå han.

¹⁸Han vil spara han for å gå i grav og berga livet hans frå spyd.

¹⁹Mennesket vert tukta med liding på si lege; det er ein stendig strid ¬i hans lemer.

²⁰Maten byd han imot, han har ikkje hug på den gjævaste kost.

²¹Hans hold tærest bort, ¬ein kan ikkje sjå det; det finst ikkje kjøt på hans bein, dei som ikkje var synlege før.

²²Han er komen grava nær, hans liv møter dødens englar.

²³Er det då ein engel attmed han, ein einaste talsmann ¬mellom tusen, som kan seia han ¬kva han skal gjera,

²⁴så er han nådig mot han ¬og seier: «Fri han frå å fara ned i grava! Eg har fått løysepengar ¬for han.»

²⁵No vert kroppen sterk ¬som då han var ung, atter vert han ¬som i ungdoms dagar.

²⁶Han bed til Gud, ¬som har godvilje for han, med jubel får han sjå ¬Guds åsyn, og ‘han‘ lèt mannen få att ¬si rettferd.

²⁷Han syng ¬så menneska høyrer det: «Eg hadde synda ¬og krenkt retten, men han gav meg ikkje lika ¬for det.

²⁸Han fria meg frå å gå i grav, no får eg leva og sjå ljoset.»

²⁹Sjå, alt dette gjer Gud ¬for mannen både to og tre gonger.

³⁰Han fører han opp or grava, så han får sjå ljoset ¬i landet åt dei levande.

³¹Høyr etter, Job, og lyd på meg! Ver still, så eg får tala.

³²Har du noko å seia, så svar meg! Tal, for eg vil gjerne gje deg rett.

³³Og har du ikkje, ¬så høyr på meg! Ver still, ¬så skal eg læra deg visdom.