Read nynorsk 1978 Job 34 Bible Online

Job 34 - nynorsk 1978 bible

Job 34

¹Elihu tok atter til ords og sa:

²Høyr mine ord, de vise menn, lyd etter, de som veit så mykje!

³Øyra prøver ord som vert sagde, liksom ganen smakar på maten.

⁴Lat oss velja det som er rett, og saman finna ut ¬kva som er godt.

⁵Job har sagt: «Eg er rettferdig, Gud har sett min rett til sides.

⁶Eg har rett, ¬men vert halden for lygnar, eg er skuldlaus, ¬men såra til døden.»

⁷Finst det ein mann som Job? Han talar spottord ¬som ein drikk vatn.

⁸Han går i lag ¬med ugjerningsmenn og held seg til gudlause folk.

⁹For han har sagt: Kva gagnar det ein mann om han er ven med Gud?

¹⁰Difor skal de høyra på meg, de vituge menn. Gud gjer aldri vondt, Den Allmektige gjer ikkje urett.

¹¹Han løner mannen ¬for hans gjerning, lèt alle få att etter si ferd.

¹²Nei, Gud gjer så visst ¬ingen urett, Den Allmektige rengjer ¬ikkje retten.

¹³Kven har gjeve han tilsyn ¬med jorda og overlate heile verda til han?

¹⁴Dersom han berre tenkte ¬på seg sjølv og tok att sin ande ¬og sin livspust,

¹⁵då døydde ¬kvar levande skapning, og mennesket vart atter til mold.

¹⁶Har du vit, så høyr på dette! Lyd nøye etter det eg seier!

¹⁷Kan den som hatar retten, ¬styra? Torer du døma han ¬som er mektig og rettferdig?

¹⁸Tru nokon seier til ein konge: ¬«Du niding!» eller til hovdingar: ¬«De gudlause menn»?

¹⁹Gud held ikkje med fyrstar og vørder ikkje stormenn meir enn småkårsfolk. Alle er dei skapte av han.

²⁰Brått døyr dei og midt på natta, folket ragar og går til grunne. Jamvel dei mektige må vika, men ikkje for menneskehand.

²¹Guds augo vaktar ¬på kvar manns vegar, han ser kvart steg dei tek.

²²Det finst ikkje mørker ¬eller skodd der ugjerningsmenn ¬kan gøyma seg bort.

²³Han gjev ikkje mannen lang tid før han må fram for Guds dom.

²⁴Utan forhøyr ¬knuser han mektige menn og set andre i staden for dei.

²⁵Difor legg han merke til ¬det dei gjer, og styrtar dei ned ei natt, ¬så dei vert knuste.

²⁶Han slår dei ¬som ugjerningsmenn på ein stad der alle kan sjå det,

²⁷fordi dei vende seg bort frå han og ikkje gav akt på hans vegar.

²⁸Så nådde det han, ¬klageropet åt dei fattige, han høyrde skriket ¬frå dei hjelpelause.

²⁹Men kven torer døma han ¬om han held seg i ro? Kven merkar det ¬når han løyner sitt andlet? Han ser til folket ¬og til kvar einskild.

³⁰Han lèt ingen gudlaus få styra eller leggja snarer for folket.

³¹No seier du kanskje til Gud: «Eg fór vilt, men skal ¬aldri meir gjera vondt.

³²Det eg ikkje ser, ¬må du læra meg. Og har eg gjort urett, ¬gjer eg det aldri meir.»

³³Trur du Gud vil løna deg ¬som du ynskjer, når du vanvørder hans råd? Det er du som må velja, ¬ikkje eg, og så får du seia kva du veit.

³⁴Kvar vismann ¬som høyrer på meg, ja, alle kloke menn vil seia:

³⁵«Job talar utan skjøn, det er ikkje meining ¬i det han seier.

³⁶Lat Job for alltid ¬setjast på prøve, fordi han svarar ¬som ein ugjerningsmann.

³⁷Han legg synd til synd. Han hånar og spottar ¬imellom oss og brukar store ord mot Gud.»