Read nynorsk 1978 Job 37 Bible Online

Job 37 - nynorsk 1978 bible

Job 37

¹Ja, dette får hjarta ¬til å skjelva, av redsle hoppar det ¬i min barm.

²Lyd på braket av hans røyst, høyr kor det dyn ¬frå hans munn!

³Han lèt lynet fara ¬under heile himmelen, han sender det ¬til heimsens endar.

⁴Sidan rullar tora, det er hans mektige røyst ¬som ljomar. Han sparer ikkje på lyn alt medan røysta hans lyder.

⁵Gud gjer under ¬når røysta ljomar, han gjer storverk ¬som vi ikkje skjønar.

⁶Til snøen seier han: ¬«Fall ned på jorda!» og det same ¬til det høljande regnet.

⁷Då set han bom ¬for arbeidet åt menneska, så alle kan merka ¬hans gjerningar.

⁸Villdyra går til sine holer og held seg i ro i sine hi.

⁹Stormen fer ut or sitt kammer, og med nordavinden ¬fylgjer kulde.

¹⁰Når Gud pustar, kjem det is, jamvel store vatn frys til.

¹¹Han fyller skyene med væte og breier ut sine lysande skyer.

¹²Dei driv av stad og fer hit og dit etter som han styrer dei, og alt han byd, det gjer dei ut over heile den vide jord.

¹³Han lèt dei koma for å straffa, om det er til gagn for jorda, eller for å gjera vel mot henne.

¹⁴Høyr på dette, Job! Stå still ¬og legg merke til Guds under!

¹⁵Skjønar du korleis Gud ¬gjev skyene påbod og lèt ljoset stråla fram frå dei?

¹⁶Skjønar du ¬korleis skyene driv, eit underverk av han ¬som veit alt?

¹⁷Du som klagar ¬over at kleda vert varme, når jorda dormar i sønnavind,

¹⁸kan du hjelpa han ¬med å hamra skylaget fast som ein spegel ¬av støypt metall?

¹⁹Sei oss kva vi skal svara han! Vi får ikkje fram eit ord ¬for berre mørker.

²⁰Får han bod når eg seier noko, får han vita at nokon talar?

²¹No ser ikkje menneska ljoset, det er gøymt bak mørke skyer; men brått kjem vinden ¬og sopar dei bort.

²²Det kjem eit gylle skin frå nord, kring Gud ¬er ein skræmande ljosglans.

²³Den Allmektige ¬kan vi ikkje fatta. Høg er hans makt ¬og stor hans rettferd; og retten krenkjer han aldri.

²⁴Difor har menneska age ¬for han, men han ansar ikkje dei ¬som trur dei er vise.