Read nynorsk 1978 Job 4 Bible Online

Job 4 - nynorsk 1978 bible

Job 4

¹Då tok Elifas frå Teman til ords og sa:

²Om ein prøver å tala til deg, ¬vert du motlaus. Men kven kan teia til slikt?

³Sjølv har du rettleitt mange, kraftlause hender ¬har du styrkt.

⁴Dine ord reiste opp ¬den som snåva, du gav kraft til skjelvande kne.

⁵Men no, når det gjeld deg sjølv, ¬er du motlaus, når det råkar deg, er du redd.

⁶Set du ikkje lit til di gudsfrykt og von til di ærlege ferd?

⁷Tenk etter! Når miste ein skuldlaus livet, kvar gjekk rettvise folk ¬til grunne?

⁸Dei som pløyer ned vondskap ¬og sår ulukke, haustar det same, ¬etter det eg har sett.

⁹Andar Gud på dei, ¬går dei til grunne, pustar han i vreide, ¬vert dei borte.

¹⁰Løva brøler, ¬og løveungen skrik, men tennene på ungløva ¬vert utslegne.

¹¹Jamvel løva går til grunne når ho ikkje finn rov, og løveungane vert spreidde.

¹²Eit ord kom smygande til meg, for øyra lét det som kviskring.

¹³Det kom då nattsyner ¬gjorde meg uroleg, medan folk låg i tung svevn.

¹⁴Eg vart så redd at eg skalv, redsla gjekk meg ¬til merg og bein.

¹⁵Ein pust strauk framom ¬mitt andlet, og håra reiste seg på mitt hovud.

¹⁶Ein skapnad stogga, men eg såg ikkje klårt ¬korleis han var. Han stod beint ¬framfor augo mine, og eg høyrde ei roleg røyst ¬som sa:

¹⁷Kan eit menneske ¬vera rettferdig for Gud, kan ein mann ¬vera rein for sin skapar?

¹⁸Gud lit ikkje eingong ¬på tenarane sine, hjå englane finn han feil, [9]

¹⁹kor mykje meir ¬hjå dei som bur i leirhus og berre har jord til grunnvoll, dei som kan knasast ¬lettare enn mòl. [10]

²⁰Før dagen er til ende, ¬ligg dei knuste; utan at nokon ansar det, går dei til grunne for alltid.

²¹Deira teltsnor vert oppriven, dei døyr, ¬men har ikkje fått visdom.