Read nynorsk 1978 Job 40 Bible Online

Job 40 - nynorsk 1978 bible

Job 40

¹Då svara Herren Job or stormen:

²Spenn beltet om livet ¬som ein mann! Så vil eg spørja deg, og du skal svara meg. [32]

³Vil du dra mi rettferd i tvil, leggja skulda på meg, ¬så du får rett?

⁴Har du så sterk ein arm ¬som Gud, ljomar røysta di som hans?

⁵Så pryd deg ¬med høgd og herlegdom, kled deg med stordom og velde!

⁶Lat berre vreiden rasa, slå alle hovmodige ned ¬med ditt blikk!

⁷Ja, sjå på dei stolte ¬og bøy dei i kne, trø dei gudlause ned på flekken!

⁸Gøym dei i jorda, alle i hop, og steng dei inne i mørkret!

⁹Då skal eg òg prisa deg for sigeren du vann ¬med di høgre hand.

¹⁰Sjå elvehesten! Eg har skapt både han og deg. Han et gras som ein okse.

¹¹Sjå for ei kraft han har i hoftene og for ein styrke i bukmusklane!

¹²Han strekkjer ut halen, ¬stiv som ein seder, og lårsenene er fletta fast.

¹³Knokar har han ¬som koparrøyrer og ei beingrind som jernstenger.

¹⁴Han er det fremste ¬av Guds verk, skaparen gav han ¬så kvast eit sverd.

¹⁵Fjella gjev han sine gåver, alle slag villdyr som leikar der.

¹⁶Han kviler under lotusplanter, i livd av sev og sump.

¹⁷Lotusen gjev tak og skugge, og piletrea attmed elva står som eit vern om han.

¹⁸Han rømer ikkje ¬om straumen er strid; om Jordan fossar mot hans gap, ¬er han trygg.

¹⁹Kven torer gripa han i augo og dra ei snor ¬gjennom nasen hans?

²⁰Kan du dra krokodillen opp ¬med krok og halda tunga hans nede ¬med snøre?

²¹Kan du få sett ¬eit sevreip i nasen hans og stikka ein krok ¬gjennom kjaken?

²²Vil han då be deg audmjukt ¬om nåde eller tala blidt til deg?

²³Trur du han gjer ein avtale ¬med deg, så du kan ta han til træl ¬for alltid?

²⁴Kan du leika med han ¬som med ein fugl og fanga han ¬til småjentene dine?

²⁵Kan eit lag av fiskarar selja han og stykkja han ut ¬mellom kjøpmenn?

²⁶Kan du spekka hans hud ¬med spyd, hans hovud med harpunar?

²⁷Prøv berre å leggja hand på han! Det vart ein strid ¬som du kom til å minnast; den tok du ikkje ein gong til!

²⁸Det du vona, slo ikkje til, du låg der berre du såg han!