Read nynorsk 1978 Job 41 Bible Online

Job 41 - nynorsk 1978 bible

Job 41

¹Ingen er vel så vågal at han torer ¬terga krokodillen. Kven kunne stå seg mot han?

²— Kven gav meg noko fyrst, så eg laut gje han att? Alt under himmelen er mitt. —

³Eg vil ikkje teia ¬om krokodillens lemer, kor sterke dei er, ¬og kor fint dei er bygde.

⁴Kven kan få hol ¬på hans ytre ham eller trengja igjennom ¬hans doble panser?

⁵Kven torer opna gapet på han? Hans tenner vekkjer redsle.

⁶På ryggen har han rader ¬av skjold, godt attlatne som med segl.

⁷Tett ligg det eine ¬innåt det andre, ikkje ein pust kjem inn ¬mellom dei.

⁸Skjolda heng fast i hop, dei grip inn i kvarandre ¬og kan ikkje skiljast.

⁹Når han nys, blinkar eit ljos, augo hans strålar ¬som morgonroden.

¹⁰Logande eld fer ut or hans gap, det sprutar gneistar frå det.

¹¹Or naseborene kjem det røyk som frå ei oppheta, ¬kokande gryte.

¹²Pusten hans set kol i brann, ein loge står ut or hans gap.

¹³Stor styrke har han i nakken, og redsla hoppar føre han.

¹⁴Valkane under halsen hans ¬er faste, dei sit som støypte ¬og rører seg ikkje.

¹⁵Hjarta hans er fast som stein, som den nedste steinen i kverna.

¹⁶Når han reiser seg, ¬må kjemper fæla, dei går frå sans og samling ¬av redsle.

¹⁷Om sverdet råkar han, ¬bit det ikkje, og heller ikkje kastevåpen, ¬spyd eller pil.

¹⁸Han aktar jern som var det strå og bronse som morkna tre.

¹⁹Ei pil kan ikkje jaga han ¬på flukt, stein frå slyngja ¬er som halmstrå for han.

²⁰Ei klubbe ¬reknar han òg for halm, han berre ler ¬åt susande kastespyd.

²¹Under buken ¬har han kvasse taggar, som ein treskjeslede ¬lagar han far i gjørma.

²²Han set djupet i kok ¬som ei gryte, lèt havet skumma ¬som ein kjele med salve.

²³Bak han går det ein lysande stig, det ser ut ¬som om djupet har sølvhår.

²⁴Hans make finst ikkje ¬her på jord, skapt som han er utan reddhug.

²⁵Alt som er høgt, ¬ser han i auga, han er ein konge ¬over alle stolte dyr.