Read nynorsk 1978 Job 5 Bible Online

Job 5 - nynorsk 1978 bible

Job 5

¹Set i og ropa! ¬Finst det nokon som svarar? Kven av dei heilage ¬vender du deg til?

²Mismod tek livet av dåren, harme drep den godtrune.

³Eg såg ein dåre som slo rot, men brått laut eg forbanna ¬hans bustad.

⁴Borna hans var hjelpelause, knuste i porten, ¬utan bergingsmann.

⁵Dei svoltne åt opp det han avla, dei tok det jamvel ¬mellom klunger, og dei tyrste ¬greip etter godset hans.

⁶Nei, ulukke veks ikkje ¬opp or molda, og møde gror ikkje ¬fram av jorda.

⁷Men mennesket er født til møde liksom gneistar flyg høgt i veret.

⁸Men eg, ¬eg ville venda meg til Gud og leggja mi sak i hans hand.

⁹Han gjer storverk ¬som ingen kan granska, og under som ingen kan telja.

¹⁰Han lèt det regna på jorda, sender vatn over åker og eng.

¹¹Han reiser opp folk ¬frå ringe kår, lyfter og bergar dei som syrgjer.

¹²Han gjer planane åt dei kloke ¬til inkjes, så deira gjerning ikkje lukkast.

¹³Han fangar dei vise ¬i deira klokskap, dei listige er for snare ¬til å leggja planar.

¹⁴Om dagen støyter dei ¬på mørker, middagstider trivlar dei ¬som om natta.

¹⁵Dei fattige bergar han ¬frå kvasse sverd, ut or hendene på dei sterke.

¹⁶Då er det von for småkårsfolk, vondskap må lata att sin munn.

¹⁷Ja, sæl er den ¬som får refsing av Gud, tukt frå Den Allmektige ¬skal du ikkje vanvørda.

¹⁸For om han sårar, fetlar han òg; og slår han, ¬lækjer han med si hand.

¹⁹Seks gonger bergar han deg ¬frå trengsle, den sjuande ¬skal ulukka ikkje nå deg.

²⁰I hungersnaud friar han deg ¬frå døden, i krig frå det kvasse sverdet.

²¹Bitande tunger ¬skal ikkje nå deg, du treng ikkje reddast ¬når ulukka kjem.

²²Du kan le åt herjing og hunger og treng ikkje reddast ¬for villdyra i landet.

²³For du har pakt ¬med steinane på marka, og villdyra held fred med deg.

²⁴Du merkar ¬at teltet ditt står trygt, du ser over din bustad, ¬og ingenting vantar.

²⁵Du får sjå at ætta di aukar, at dine ætlingar vert talrike ¬som plantene på jorda.

²⁶I fullmogen alder ¬skal du gå i grav, som kornband vert samla ¬i rette tid.

²⁷Ja, dette har vi granska, ¬og så er det. Det skal du høyra ¬og merka deg!