Read nynorsk 1978 Job 7 Bible Online

Job 7 - nynorsk 1978 bible

Job 7

¹Mannen må træla ¬og slita på jorda, som ein leigekars dagar ¬er hans liv.

²Han liknar trælen ¬som stundar etter skugge, og tenaren som ventar på løn.

³Så vart månader med møde ¬min lut, netter med liding min lagnad.

⁴Når eg legg meg, må eg tenkja: «Kva tid skal eg stå opp?» Kvelden vert lang, ¬eg ligg der uroleg heilt til det ljosnar av dag.

⁵Min kropp er kledd ¬med verkjesår og skorper, huda skrukkast og brest.

⁶Mine dagar fer snøggare ¬enn vevarens skyttel, dei går til endes utan von.

⁷Kom i hug at mitt liv ¬er som ein pust! Aldri meir får eg oppleva lukke.

⁸Den som ser meg no, skal aldri sjå meg meir, ser du etter meg, er eg borte.

⁹Ei sky løysest opp og kverv; så er det òg med den ¬som fer til dødsriket, han stig aldri opp att meir.

¹⁰Han vender ikkje heim ¬til sitt hus, hans heimstad ¬ser han aldri meir.

¹¹Så legg eg ikkje band ¬på min munn, men vil tala i mi djupe naud og klaga i min sjelekval.

¹²Er eg eit hav eller havuhyre sidan du set vakt over meg?

¹³Når eg seier: ¬«Senga skal vera mi trøyst, mi lege skal letta mi sut»,

¹⁴då skræmer du meg ¬med draumar og støkkjer meg med syner.

¹⁵Aller helst vil eg kjøvast. Heller døden enn denne liding!

¹⁶Eg er lei av dette! Eg lever ikkje evig. Lat meg vera! Mine dagar er som ein pust.

¹⁷Kva er eit menneske ¬sidan du set det så høgt og bryr deg så mykje om det?

¹⁸Kvar morgon ser du til det, kvar augneblink prøver du det.

¹⁹Vil du ikkje snart ¬venda augo frå meg og gje meg ro, ¬så eg kan svelja spyttet?

²⁰Har eg synda, ¬kva skader det deg, du som vaktar på mennesket? Kvifor gjer du meg ¬til skyteskive for deg? Eg har vorte ei bør ¬for meg sjølv.

²¹Kvifor vil du ikkje tilgje ¬mi synd og bera over med mi skuld? For no må eg leggja meg ¬i støvet; leitar du etter meg, ¬er eg ikkje meir.