Read nynorsk 1978 Job 8 Bible Online

Job 8 - nynorsk 1978 bible

Job 8

¹Då tok Bildad frå Sjuah til ords og sa:

²Kor lenge vil du tala så og la orda rasa som eit uver?

³Trur du Gud kan rengja retten, at Den Allmektige ¬gjer rett til rangt?

⁴Har borna dine synda mot han, så har han gjeve dei ¬deira brot i vald.

⁵Gjev du ville venda deg til Gud og be Den Allmektige om nåde!

⁶Så sant du er skuldlaus ¬og ærleg, vil han vaka over deg, atter reisa din bustad ¬og gje deg rett.

⁷Då vert det smått, ¬det fyrste du hadde, mot det store du sidan skal få.

⁸Berre spør dei framfarne ætter, gjev akt på det fedrane fann ut.

⁹Vi er då frå i går ¬og veit ikkje stort, som ein skugge er våre dagar ¬på jorda.

¹⁰Fedrane skal læra deg ¬og seia frå, tala til deg ut frå det dei veit.

¹¹Veks det sev ¬der det ikkje er myrlendt, trivst storren ¬der det ikkje finst vatn?

¹²Om han enno står grøn ¬og ikkje vert skoren, turkar han bort ¬før alt anna gras.

¹³Så går det med alle ¬som gløymer Gud, vona kverv for den gudlause.

¹⁴Hans trygge ro ¬heng i tynne trådar, han set si lit til spindelvev.

¹⁵Han stør seg til sitt eige hus, men det held ikkje; han klengjer seg til det, men det står ikkje støtt.

¹⁶Han står som eit grønt tre i sola, greinene breier seg ut ¬over hagen.

¹⁷Røtene flettar seg inn ¬i ei steinrøys, hakar seg fast mellom steinane.

¹⁸Men vert han bortriven ¬frå sin heimstad, kjennest staden ikkje ved han: «Vi har ikkje sett deg.»

¹⁹Sjå, såleis endar hans liv, og ein annan gror opp or molda.

²⁰Sjå, Gud vil aldri visa bort den som er heil i si ferd; men ugjerningsmenn ¬tek han ikkje i handa.

²¹Han skal fylla din munn ¬med lått og leggja jubelrop ¬på dine lipper.

²²Dei som hatar deg, ¬må kle seg i skam, telta åt dei gudlause vert borte.