Read nynorsk 1978 Salmane 108 Bible Online

Salmane 108 - nynorsk 1978 bible

Salmane 108

¹Ein song. Ein Davids-salme.

²Mitt hjarta er roleg, Gud, eg vil spela og syngja ¬av heile mitt hjarta.

³Vakna, harpe og lyre! Morgonroden vil eg vekkja.

⁴Eg vil prisa deg ¬mellom folka, Herre, lovsyngja deg ¬mellom folkeslag.

⁵Stor er di miskunn, ¬til himmelen når ho, til skyene rekk din truskap.

⁶Vis deg høg ¬over himmelen, Gud, vis din herlegdom ¬over all jorda!

⁷Hjelp oss med di høgre hand, svar oss, ¬så dine kjære vert berga!

⁸Gud har tala i sin heilagdom: «Med jubel ¬vil eg skifta ut Sikem og mæla opp Sukkot-dalen. [134]

⁹Meg høyrer Gilead ¬og Manasse til, Efraim er hjelmen ¬på mitt hovud, og Juda er min styrarstav.

¹⁰Men Moab er mitt vaskefat, på Edom kastar eg ¬min sko. Eg triumferer ¬over Filistarlandet.»

¹¹Kven fører meg ¬til festningsbyen, kven leier meg til Edom?

¹²Er det ikkje du, Gud, ¬som vraka oss og ikkje drog ut ¬med våre hærar?

¹³Gjev oss hjelp mot fienden! Hjelp frå menneske ¬duger ikkje.

¹⁴Med Guds hjelp ¬skal vi gjera storverk. Han skal trakka ¬våre fiendar ned.