Read nynorsk 1978 Salmane 11 Bible Online

Salmane 11 - nynorsk 1978 bible

Salmane 11

¹Til korleiaren. Av David. Til Herren flyr eg. Korleis kan de seia til meg: «Fly til fjells som ein fugl!

²For sjå, ¬dei vonde spenner bogen og legg si pil på strengen; i mørkret vil dei skyta på dei som er ærlege av hjarta.

³Når grunnvollen vert riven bort, kva kan då ¬den rettferdige gjera?»

⁴Herren er i sitt heilage tempel, i himmelen har han ¬sin kongsstol. Hans augo skodar utover, han prøver menneska ¬med sitt blikk.

⁵Herren ransakar ¬rettferdige og gudlause, han hatar dei som elskar vald.

⁶Over dei vonde ¬lèt han det regna gloande kol og svovel, gloheit vind er den luten dei får.

⁷Rettferdig er Herren, ¬han elskar rettferd; dei ærlege får sjå hans åsyn.