Read nynorsk 1978 Salmane 115 Bible Online

Salmane 115 - nynorsk 1978 bible

Salmane 115

¹Lat ikkje oss få ære, Herre, ikkje oss, ¬men ditt heilage namn! For du er god og trufast.

²Kvifor skal folkeslaga seia: «Kvar er no deira Gud?»

³Vår Gud er i himmelen, alt han vil, det gjer han.

⁴Deira gudebilete ¬er laga av sølv og gull; dei er eit verk ¬av menneskehender.

⁵Dei har munn, ¬men kan ikkje tala, dei har augo, ¬men kan ikkje sjå.

⁶Dei har øyro, ¬men kan ikkje høyra, dei har nase, ¬men kan ikkje lukta.

⁷Dei kan ikkje gripa ¬med sine hender og kan ikkje gå med ¬sine føter; dei har ikkje mål i strupen.

⁸Såleis vert dei som lagar dei òg, og alle som set si lit til dei.

⁹Israel, set di lit til Herren! Han er deira hjelp og skjold.

¹⁰Arons ætt, set di lit ¬til Herren! Han er deira hjelp og skjold.

¹¹De som ottast Herren, ¬lit på han! Han er deira hjelp og skjold.

¹²Herren kjem oss i hug ¬og velsignar oss. Han velsignar Israels ætt, han velsignar Arons ætt.

¹³Han velsignar ¬dei som ottast han, dei små med dei store.

¹⁴Gjev Herren må la dykk ¬auka i tal, både dykk og borna dykkar!

¹⁵Velsigna vere de av Herren, han som skapte himmel ¬og jord!

¹⁶Himmelen er Herrens himmel, men jorda gav han ¬til menneska.

¹⁷Dei døde prisar ikkje Herren, det gjer ingen ¬som stig ned i stilla.

¹⁸Men vi skal lova Herren frå no og til evig tid. Halleluja!