Read nynorsk 1978 Salmane 116 Bible Online

Salmane 116 - nynorsk 1978 bible

Salmane 116

¹Eg elskar Herren, for han høyrde meg då eg trygla og bad.

²Fordi han vende øyra ¬til meg, vil eg kalla på han ¬alle mine dagar.

³Dødens lekkjer snørte seg ¬om meg, helheims redsler greip meg, eg fann berre naud og sorg.

⁴Då kalla eg på Herren: «Å, Herre, berga mitt liv!»

⁵Herren er nådig og rettferdig, miskunnsam er vår Gud.

⁶Herren vernar dei umyndige, han kom meg til hjelp ¬då eg var veik.

⁷Kom til ro att, mi sjel, for Herren har gjort vel ¬imot deg!

⁸Ja, du har berga mitt liv ¬frå døden, mitt auga frå gråt ¬og min fot frå fall.

⁹Eg får ferdast for Herrens åsyn i landet åt dei levande. [139]

¹⁰Eg trudde, jamvel då eg sa: «Eg er ille plaga.»

¹¹I min angst og mi uro sa eg: «Kvart menneske ¬er ein lygnar.»

¹²Kva skal eg gje Herren att for alle hans velgjerningar ¬mot meg?

¹³Eg lyfter frelsesstaupet og kallar på Herrens namn.

¹⁴Eg vil halda mine lovnader ¬til Herren for augo på heile hans folk.

¹⁵Det er dyrt i Herrens augo at hans trugne døyr.

¹⁶Å, Herre, eg er din tenar, din tenar ¬og son til di trælkvinne. Du har løyst mine lekkjer.

¹⁷Eg vil bera fram takkoffer ¬til deg og kalla på Herrens namn.

¹⁸Eg vil halda mine lovnader ¬til Herren for augo på heile hans folk,

¹⁹i føregardane til Herr ens hus, midt i deg, Jerusalem. Halleluja!