Read nynorsk 1978 Salmane 118 Bible Online

Salmane 118 - nynorsk 1978 bible

Salmane 118

¹Pris Herren, for han er god, evig varer hans miskunn.

²Så skal Israel seia: Evig varer hans miskunn.

³Arons ætt skal seia: Evig varer hans miskunn.

⁴Dei som ottast Herren, ¬skal seia: Evig varer hans miskunn.

⁵I trengsla ropa eg til Herren, han svara ¬og førte meg ut i ope lende.

⁶Når Herren er med, ¬reddast eg ikkje. Kva kan vel menneske ¬gjera meg?

⁷Når Herren er min hjelpar, kan eg sjå på mine fiendar ¬utan otte.

⁸Det er betre å fly til Herren enn å setja si lit til menneske.

⁹Det er betre å fly til Herren enn å setja si lit til stormenn.

¹⁰Alle folkeslag kringsette meg; eg heldt dei frå livet ¬i Herrens namn.

¹¹Dei var ikring meg ¬på alle kantar; eg heldt dei frå livet ¬i Herrens namn.

¹²Dei var ikring meg som bier. Dei slokna som eld i klunger; eg heldt dei frå livet ¬i Herrens namn.

¹³Dei støytte meg hardt, ¬eg heldt på å falla, men Herren kom meg til hjelp.

¹⁴Herren er mi kraft ¬og min styrke, og han har vorte mi berging.

¹⁵Høyr, jubel og sigersrop lyder i telta åt dei rettferdige! Herrens høgre hand ¬gjer storverk,

¹⁶Herrens hand reiser opp. Herrens høgre hand ¬gjer storverk.

¹⁷Eg skal ikkje døy, men leva og fortelja ¬om Herrens gjerningar.

¹⁸Hardt har Herren tukta meg, men han lét meg ikkje døy.

¹⁹Lat rettferdsporten opp ¬for meg, eg vil gå inn og prisa Herren! [140]

²⁰Her er Herrens port, gjennom den ¬går dei rettferdige inn.

²¹Eg takkar deg ¬fordi du svara meg, fordi du vart mi berging.

²²Den steinen ¬bygningsmennene vraka, har vorte hjørnestein.

²³Det er Herrens eige verk, underfullt er det i våre augo.

²⁴Dette er dagen ¬som Herren har gjort; lat oss jubla og gleda oss no!

²⁵Å, Herre, gjev frelse, å, Herre, lat det lukkast!

²⁶Velsigna vere den som kjem i Herrens namn! Vi velsignar dykk ¬frå Herrens hus.

²⁷Herren er Gud, ¬han gav oss ljos. Knyt festtoget saman ¬med greiner heilt opp til altarhorna! [141] [142]

²⁸Du er min Gud, eg takkar deg; min Gud, eg lovsyng deg.

²⁹Pris Herren, for han er god, ev ig varer hans miskunn.