Read nynorsk 1978 Salmane 121 Bible Online

Salmane 121 - nynorsk 1978 bible

Salmane 121

¹Ein song til festferdene. Eg lyfter mine augo til fjella: Kvar kjem mi hjelp ifrå?

²Mi hjelp kjem frå Herren, han som skapte himmel ¬og jord.

³Han lèt ikkje foten din ¬vera ustø, din vaktar blundar ikkje.

⁴Nei, han blundar ikkje ¬og søv ikkje, Israels vaktar.

⁵Herren er din vaktar, ¬Herren er din skugge, han er ved di høgre hand.

⁶Sola skal ikkje stikka deg ¬om dagen og månen ikkje skada deg ¬om natta. [147]

⁷Herren skal vara deg ¬frå alt vondt og verna om ditt liv.

⁸Herren skal vara ¬din utgang og din inngang frå no og til evig tid.