Read nynorsk 1978 Salmane 132 Bible Online

Salmane 132 - nynorsk 1978 bible

Salmane 132

¹Ein song til festferdene. Herre, kom David i hug for all den møda han heldt ut!

²Han svor Herren ein eid, gav Jakobs Veldige ein lovnad: [154]

³«Eg går ikkje inn i min bustad og legg meg ikkje på mi lege,

⁴eg unner meg ikkje ¬blund på augo, lèt ikkje augneloka kvila

⁵før eg har funne ¬ein stad for Herren, ein bustad for Jakobs Veldige.»

⁶Vi høyrde om paktkista ¬i Efrata, vi fann henne ¬på Ja’ar-markene. [155] [156]

⁷Kom, lat oss gå ¬til Herrens bustad og kasta oss ned ¬for hans fotskammel!

⁸Reis deg, Herre, ¬og kom til den stad der du slår deg til ro, du og ditt veldes kiste.

⁹Prestane dine ¬skal vera kledde i rettferd, og dei som held di pakt, ¬skal jubla.

¹⁰For David, din tenar skuld, vis ikkje frå deg ¬den du har salva!

¹¹Herren har svore David ¬ein eid, eit påliteleg ord, ¬som han ikkje går frå: «Menn av di ætt vil eg setja på din kongsstol.

¹²Dersom sønene dine ¬held mi pakt og den lov eg vil læra dei, så skal deira søner òg for alltid sitja ¬på din kongsstol.»

¹³For Herren har valt ut Sion, som han vil ha til bustad:

¹⁴«Dette skal vera ¬min kvilestad for alltid, her vil eg bu, ¬det er mitt ynske.

¹⁵Maten på Sion vil eg velsigna, og dei fattige vil eg metta ¬med brød.

¹⁶Sions prestar kler eg ¬med frelse, og dei trugne skal ropa ¬av fagnad.

¹⁷Der lèt eg Davids-ætta få makt, eg steller til ei lampe ¬for den eg har salva. [157]

¹⁸Hans fiendar vil eg kle ¬med skam men på hans hovud ¬skal krona stråla.»