Read nynorsk 1978 Salmane 135 Bible Online

Salmane 135 - nynorsk 1978 bible

Salmane 135

¹Halleluja! Pris Herrens namn, syng lovsong, Herrens tenarar,

²de som står i Herrens hus, i føregardane til vår Guds hus!

³Pris Herren, for han er god, lovsyng hans namn, ¬for det er herleg!

⁴For Herren har valt ut Jakob, gjort Israel til sin eigedom.

⁵Ja, eg veit at Herren er stor, vår Herre er større ¬enn alle gudar.

⁶Alt han vil, det gjer han, i himmelen og på jorda, i havet og alle dei store djup.

⁷Han lèt skyer stiga opp ¬frå enden av jorda, skaper lyn, lèt regnet falla og sender vinden ¬frå hans opplagsrom.

⁸Han slo dei fyrstefødde ¬i Egypt, både av folk og fe.

⁹Han sende teikn ¬og gjorde under i landet ditt, Egypt, med farao og alle hans tenarar.

¹⁰Han slo ned mange folkeslag og gjorde ende ¬på sterke kongar:

¹¹amorittkongen Sihon, kong Og i Basan og alle kongane i Kanaan.

¹²Han gav deira land ¬til odel og eige for Israel, sitt folk.

¹³Herre, evig varer ditt namn, ætt etter ætt kjem deg i hug.

¹⁴For Herren hjelper sitt folk ¬til deira rett, har medynk med sine tenarar.

¹⁵Dei gudebilete folka dyrkar, er laga av sølv og gull; dei er eit verk ¬av menneskehender.

¹⁶Dei har munn, ¬men kan ikkje tala, dei har augo, ¬men kan ikkje sjå.

¹⁷Dei har øyro, ¬men kan ikkje høyra, det er ikkje pust i deira munn.

¹⁸Såleis vert dei ¬som lagar dei òg, og alle som set si lit til dei.

¹⁹Israels ætt, lov Herren! Arons ætt, lov Herren!

²⁰Levis ætt, lov Herren! Lov Herren, de som ottast han! [159]

²¹Lova vere Herren frå Sion, han som bur i Jerusalem! Halleluja!