Read nynorsk 1978 Salmane 137 Bible Online

Salmane 137 - nynorsk 1978 bible

Salmane 137

¹Ved Babels elvar, ¬der sat vi og gret når vi kom Sion i hug. [160] [161]

²På piletrea der i landet lét vi våre harper hanga.

³Der bad dei oss syngja, dei som heldt oss fanga; dei som plaga oss, ¬kravde glede: «Syng for oss av ¬Sions songar!» [162]

⁴Korleis kan vi syngja ¬Herrens song på framand jord?

⁵Nei, gløymer eg deg, ¬Jerusalem, så lat mi høgre hand ¬verta gløymd! [163]

⁶Lat tunga hanga fast ved ganen om eg ikkje minnest deg, om eg ikkje set Jerusalem høgare enn mi største glede!

⁷Herre, kom Jerusalems dag ¬i hug, og Edoms søner som sa: ¬«Riv ned! Ja, riv ned til grunnen!» [164]

⁸Babels dotter, du som er herja, sæl er den som gjev deg att for det du har gjort mot oss! [165]

⁹Sæl er den ¬som tek dine småborn og knuser dei mot berget!