Read nynorsk 1978 Salmane 139 Bible Online

Salmane 139 - nynorsk 1978 bible

Salmane 139

¹Til korleiaren. Ein Davids-salme. Herre, du ransakar meg ¬og kjenner meg.

²Anten eg sit eller står, ¬så veit du det, langt bortanfrå ¬merkar du mine tankar.

³Anten eg går eller ligg, ¬så ser du det, du kjenner alle mine vegar.

⁴Ja, før eg har eit ord på tunga, veit du det, Herre, fullt ¬og heilt.

⁵Du kringset meg på alle ¬sider, du har lagt di hand på meg.

⁶Det er for underfullt ¬til å skjøna, det er så høgt ¬at eg ikkje kan fatta det.

⁷Kvar skal eg fara frå din Ande, kvar skal eg røma frå ditt åsyn?

⁸Fer eg opp til himmelen, ¬så er du der, og reier eg lege i dødsriket, ¬så er du der òg.

⁹Tek eg morgonrodens ¬venger på og slår meg ned ¬der havet endar, [166] [167]

¹⁰så fører du meg jamvel der, di høgre hand, ¬ho held meg fast.

¹¹Og seier eg: ¬«Lat mørkret løyna meg og ljoset ikring meg ¬verta natt»,

¹²så er ikkje mørkret ¬for mørkt for deg, og natta er ljos som dagen, ja, mørkret er som ljoset.

¹³For du har skapt mitt indre, du har vove meg i mors liv. [168]

¹⁴Eg takkar deg fordi eg er skapt på skræmeleg underfull vis. Underfulle er dine verk, det veit eg så vel.

¹⁵Mine bein var ikkje dulde ¬for deg då eg vart skapt i løyndom og forma djupt i jorda. [169]

¹⁶Du såg meg då eg var eit foster, i di bok vart alt skrive opp; mine dagar fekk si form før ein einaste av dei ¬var komen.

¹⁷Kor høge dine tankar er, Gud, kor veldig summen av dei!

¹⁸Vil eg telja dei, ¬er dei tallause som sand; kjem eg til endes med det, ¬er eg enno hjå deg.

¹⁹Gjev du ville drepa den vonde, ¬Gud, og la drapsmennene vika ¬frå meg,

²⁰dei som talar svikefullt om deg og reiser seg mot deg ¬i vondskap.

²¹Eg hatar dine fiendar, Herre, har uvilje mot dei ¬som står deg imot.

²²Eg hatar dei ¬med eit grenselaust hat og held dei for mine fiendar.

²³Ransak meg, Gud, ¬og kjenn mitt hjarta, prøv meg og kjenn ¬mine tankar!

²⁴Sjå om eg er ¬på den vonde vegen, og lei meg på ævevegen!