Read nynorsk 1978 Salmane 143 Bible Online

Salmane 143 - nynorsk 1978 bible

Salmane 143

¹Ein Davids-salme. Herre, høyr mi bøn, vend øyra til mi inderlege bøn! Svar meg, du som er trufast ¬og rettferdig!

²Stemn ikkje meg, din tenar, ¬for retten! For ingen som lever, ¬er rettferdig for deg.

³Fienden forfylgjer meg, slår meg til jorda ¬og knuser meg. Han lèt meg sitja ¬i stummande mørker, lik dei som døydde ¬for lenge sidan.

⁴Mi ånd er utan kraft, mitt hjarta stivnar i brystet.

⁵Eg kjem gamle dagar i hug, eg tenkjer ¬på alle dine gjerningar og grundar på det verk ¬du har gjort.

⁶Eg retter ut mine hender ¬til deg, eg lengtar etter deg som jorda tyrstar etter vatn. Sela

⁷Skund deg og svar meg, Herre, elles går mi ånd til grunne. elles vert eg lik dei ¬som har gått i grav.

⁸Lat meg høyra om di miskunn ¬om morgonen, for eg set mi lit til deg! Lær meg den veg eg skal gå, for eg lyfter mi sjel til deg.

⁹Fri meg frå mine fiendar, ¬Herre! Hjå deg søkjer eg livd.

¹⁰Lær meg å gjera din vilje, for du er min Gud! Lat din gode Ande leia meg på jamne stigar!

¹¹Hald meg i live, Herre, til ære for ditt namn! Før meg i di rettferd ut or trengsla!

¹²Ryd ut mine fiendar, du som er trufast; gjer ende på ¬alle mine motstandarar! For eg er din tenar.