Read nynorsk 1978 Salmane 144 Bible Online

Salmane 144 - nynorsk 1978 bible

Salmane 144

¹Av David. Lova vere Herren, mitt berg, som lærer opp mine hender ¬til strid og mine fingrar til krig!

²Herre, mi miskunn og mi borg, mi festning ¬og min bergingsmann, mitt skjold, ¬som eg set mi lit til, du som legg folkeslag ¬under meg!

³Herre, kva er vel eit menneske, sidan du kjennest ved det, eit menneskebarn, ¬sidan du aktar på det?

⁴Mennesket er ¬som ein vindpust, dei dagar det lever, ¬som ein kvervande skugge.

⁵Herre, senk din himmel ¬og stig ned, rør ved fjella, så det ryk av dei!

⁶Lat lyna blinka, ¬så fiendane vert spreidde! Skyt dine piler, ¬så dei vert skræmde!

⁷Rett ut di hand frå det høge, fri meg og frels meg ¬frå det djupe vatnet, frå dei framande mennene, [172]

⁸frå dei som brukar sin munn ¬til lygn og si høgre hand til svik.

⁹Gud, eg vil syngja ein ny song og spela for deg ¬på tistrengja harpe,

¹⁰du som gjev kongar siger og friar ut David, din tenar.

¹¹frels meg ¬frå dei framande mennene, frå dei som brukar ¬sin munn til lygn og si høgre hand til svik.

¹²Våre søner liknar planter, dei veks seg høge ¬i ungdoms år. Våre døtrer er som søyler, hogne ut i tempelstil.

¹³Våre stabbur er fulle, dei bognar av alle slag varer. Sauene våre ute på markene aukar til tusen, ja mange tusen.

¹⁴Når kyrne våre skal bera, hender det ikkje noko uhell, dei kalvar ikkje for tidleg. Ingen klagar og skrik ¬på våre gater.

¹⁵Sælt er det folket ¬som har det så, sælt er det folket ¬som har Herren til Gud!