Read nynorsk 1978 Salmane 147 Bible Online

Salmane 147 - nynorsk 1978 bible

Salmane 147

¹Halleluja! Ja, det er godt å prisa vår Gud, det sømer seg ¬med fager lovsong.

²Herren byggjer Jerusalem og samlar Israels spreidde folk.

³Han lækjer dei ¬som har eit sundbrote hjarta, og fetlar deira verkjande sår.

⁴Han fastset talet på stjernene og gjev dei alle namn.

⁵Stor er vår Herre ¬og rik på kraft, hans skjøn er utan grense.

⁶Han held dei hjelpelause oppe, og bøyer dei vonde til jorda.

⁷Syng takkesong for Herren, spel på lyra for vår Gud!

⁸Han breier skyer ¬over himmelen, syter for regn til jorda og lèt graset gro på åsane.

⁹Herren gjev føde til dyra, til ramnungar som ropar.

¹⁰Han bryr seg ikkje ¬om hestens styrke og har ikkje hugnad ¬i snarføtt mann.

¹¹Herren har hugnad i dei ¬som ottast han og ventar på hans miskunn.

¹²Lovpris Herren, Jerusalem, syng lovsong, Sion, ¬for din Gud!

¹³Han gjer dine portbommar ¬sterke og velsignar dine born.

¹⁴Han gjev lukke og fred ¬i ditt land og mettar deg ¬med den beste kveiten.

¹⁵Han sender sitt ord til jorda, ovsnøgt spring hans ord.

¹⁶Han lèt snøen falla som ull, strøyer ut rimet som støv.

¹⁷Han kastar sitt hagl ¬som smular; kven kan stå seg ¬for hans kulde?

¹⁸Han sender sitt ord ¬og smeltar snøen, lèt vinden blåsa ¬så vatnet renn.

¹⁹Han forkynte sitt ord for Jakob, sine føresegner og domar ¬for Israel.

²⁰Det har han ikkje gjort ¬for andre folk, dei kjenner ikkje hans domar. Halleluja!