Read nynorsk 1978 Salmane 149 Bible Online

Salmane 149 - nynorsk 1978 bible

Salmane 149

¹Halleluja! Syng ein ny song for Herren, lovsyng han ¬der dei trugne er samla.

²Gjev Israel må gleda seg ¬over sin skapar, Sions søner jubla for sin konge.

³Dei skal prisa hans namn ¬med dans og spela for han ¬med pauke og lyre.

⁴For Herren har hugnad ¬i sitt folk, han kronar dei hjelpelause ¬med siger.

⁵Dei trugne skal jubla med ære og ropa av fagnad på si lege.

⁶Dei har lovsong til Gud ¬i sin munn og tvieggja sverd i si hand.

⁷Dei vil ta hemn over folkeslag og tukta folkeætter,

⁸binda kongane deira ¬med lekkjer og stormennene med jernband.

⁹Dei skal halda dom over dei, så som det står skrive, til ære for alle hans trugne. Halleluja!