Read nynorsk 1978 Salmane 17 Bible Online

Salmane 17 - nynorsk 1978 bible

Salmane 17

¹Ei bøn. Av David. Lyd etter, Herre, ¬du rettferdige Gud, høyr mitt rop og merk mi bøn frå lipper som er utan svik.

²Lat meg frikjennast ¬ved din dom! Dine augo ser då ¬kva som er rett.

³Om du prøver mitt hjarta og granskar det om natta, ja, om du prøver meg med eld, finn du ikkje noko skamleg ¬hjå meg. Eg synda ikkje med min munn,

⁴så som mange menneske gjer. Etter det ordet du har tala, heldt eg meg borte ¬frå røvarstigar.

⁵Eg fylgde i dine fotefar og gjekk med faste steg.

⁶Eg ropar til deg, ¬for du svarar meg, Gud. Vend øyra til meg ¬og høyr mine ord!

⁷Syn din godleik ¬i underfull gjerning! Du frelser dei ¬som flyr frå fiendar og søkjer livd ¬ved di høgre hand.

⁸Vakta meg som din augnestein, gøym meg i skuggen ¬av dine venger

⁹for dei gudlause ¬som går imot meg, for dødsfiendar ¬som omringar meg.

¹⁰Dei har late att sitt harde hjarta og teke hovmodige ord ¬i sin munn.

¹¹No er dei ikring meg ¬kvar eg går, dei siktar på å slå meg til jorda.

¹²Dei liknar ei rovgrisk løve, ei ungløve som ligg på lur.

¹³Reis deg, Herre! Gå imot fienden ¬og tving han i kne! Fri meg frå nidingen ¬med ditt sverd!

¹⁴Fri meg, Herre, med di hand frå menneske i denne verda som alt har fått si løn. Fyll dei med det du har etla dei, så sønene deira vert mette og lèt resten gå til sine born.

¹⁵Men eg skal i rettferd ¬få sjå ditt andlet; når eg vaknar, skal eg sjå din skapnad ¬og mettast.