Read nynorsk 1978 Salmane 24 Bible Online

Salmane 24 - nynorsk 1978 bible

Salmane 24

¹Ein Davids-salme. Jorda og det som fyller henne, verda og dei som bur der, alt høyrer Herren til.

²For han har grunnlagt henne ¬på hav, grunnfest henne ¬på strøymande vatn.

³«Kven kan stiga opp ¬til Herrens fjell, kven får stå ¬på hans heilage stad?» [33]

⁴«Den som har skuldfrie hender og eit reint hjarta, den som ikkje fer med svik og ikkje gjer rang eid,

⁵han får velsigning frå Herren og rettferd frå Gud, sin frelsar.»

⁶«Her er det folk ¬som spør etter Herren, som søkjer ditt åsyn, ¬Jakobs Gud.» Sela

⁷«Lyft dykkar hovud, de portar, ja, lyft dykk, de eldgamle dører, så kongen, den herlege, ¬kan dra inn!»

⁸«Kven er kongen, den herlege?» «Det er Herren, ¬sterk og mektig, Herren, den sterke i strid.»

⁹«Lyft dykkar hovud, de portar, ja, lyft dykk, de eldgamle dører, så kongen, den herlege, ¬kan dra inn!»

¹⁰«Kven er kongen, den herlege?» «Det er Herren, Allhærs Gud. Han er kongen, ¬den herlege.» Sela